| e-texts navigator |
| Wylie |
133a1 འབྲངས།། འོན་ཀྱང་ཡེ་ནས་ལྷུན་རྫོགས་རྟོགས་ཏེ་འོང་།། དོན་གྱི་སྤྲོས་བྲལ་དོན་གསལ་མ་རྟོགས་པར།། ཚིག་དང་ཡི་གེའི་སྒྲ་ལ་མ་ཞེན་ཀ།། དོན་གྱི་སྤྲོས་བྲལ་དོན་གསལ་ཉམས་སུ་ལོངས།། འོན
133a2 ཀྱང་ཡེ་ཤེས་དོན་གསལ་རྒྱུད་ལ་འཆར།། ཞེས་གསུངས་སོ།། དེ་ནས་ཡང་གསང་བའི་བདག་པོ་ལ་སོགས་ཏེ་འདུས་པའི་ཚོགས་རྣམས་ཀྱིས་ཐལ་མོ་སྦྱར་ཏེ་བསྐོར་བ་ལན་མང་དུ་བྱས་ནས།། ཀྱེ་ཀྱེ་བཅོམ་ལྡན་རྡོ་རྗེ
133a3 འཆང་།། བདག་ཅག་འདུས་པའི་ཚོགས་རྣམས་ལ།། སྤྲོས་བྲལ་དོན་གསལ་རྒྱུད་བཤད་པས།། མ་རིག་མུན་པ་རྒྱུད་འདིས་བསལ།། འཁོར་བ་རྩད་ནས་རྒྱུད་འདིས་བཅད།། ཉོན་མོངས་གཡུལ་ལས་རྒྱུད་འདིས
133a4 བཟློག། ཆུ་བོ་བཞི་ལས་རྒྱུད་འདིས་བསྒྲལ།། ངན་སོང་དོང་ནས་རྒྱུད་འདིས་སྤྲུགས།། བག་ཆགས་ལྡན་ལྗིན་རྒྱུད་འདིས་བསལ།། འཁྲུལ་པ་ཐམས་ཅད་རྒྱུད་འདིས་བཅད།། རང་ངོ་རང་ལ་རྒྱུད་འདིས་སྤྲད།། གཅིག
133a5 ཤེས་ཀུན་ལས་རྒྱུད་འདིས་གྲོལ།། གནས་ལུགས་དོན་ཆེན་རྒྱུད་འདིས་གོ།། ལོག་ལྟ་ཚར་ཆེན་རྒྱུད་འདིས་བཅད།། ཐེག་དམན་ཤན་ཐང་རྒྱུད་འདིས་ཕྱེ།། འབྱུང་བ་དངས་སྙིགས་རྒྱུད་འདིས་ཕྱེ།། ཉོན་མོངས་དུག་ལྔ
133a6 རྒྱུད་འདིས་བསལ།། ལམ་ལ་རྩོལ་མེད་རྒྱུད་འདིས་བྱས།། རང་བྱུང་ཡེ་ཤེས་རྒྱུད་འདིས་ཤར།། འཁོར་བ་དངས་སྙིགས་རྒྱུད་འདིས་ཕྱེ།། ལོག་པའི་ལམ་ཞུགས་རྒྱུད་འདིས་བཟློག། ཆོས་འདིས་རྩ་བ་རྒྱུད་འདིས
iiif viewer powered by OpenSeadragon
