| e-texts navigator |
| Wylie |
132b1 བར་ཟུང་།། འཁོར་བའི་ཆུ་བོ་གྲུ་ཡིས་སྒྲོལ་བས་ན།། གྲུ་སྒྲོལ་ཆེན་པོའི་རྒྱུད་ཆེན་བྱ་བར་ཟུང་།། ཉོན་མོངས་གཅོང་ནད་གཏིང་ནས་འདོན་པས་ན།། སྨན་པ་ཆེ་མཆོག་རྒྱུད་ཅེས་བྱ་བར་ཟུང་།། བདུད་བཞི་རྩད་ནས
132b2 འཇོམས་པར་འདོན་པས་ན།། བདུད་འཇོམས་ཆེན་པོའི་རྒྱུད་ཆེན་ཞེས་སུ་ཟུང་།། དོན་ཆེན་ལྷག་མེད་སྤྲུགས་ནས་སྟོན་པས་ན།། རྩལ་ཆེན་སྤྲུགས་པའི་རྒྱུད་ཅེས་བྱ་བར་ཟུང་།། ཀྱེ་མ་ཀྱེ་མ་མ་རིག་འཁྲུལ་པས་སྙིང་རེ
132b3 རྗེ།། འཁྲུལ་པའི་ཆོས་ལ་བདེན་པར་མ་འཛིན་པར།། འདི་ལ་སྐུར་བ་མ་འདེབས་དོན་གསལ་རྗེས་སུ་འབྲངས།། རང་བྱུང་ཡེ་ཤེས་འགྱུར་མེད་མ་ཤེས་ནས།། དངོས་པོ་རྫས་གྲུབ་བདེན་པར་མ་འཛིན་པར།། སྤྲོས
132b4 བྲལ་དོན་གསལ་འདི་ཡི་རྗེས་སུ་འབྲངས།། འོན་ཀྱང་མི་འགྱུར་རྟག་པ་རྟོགས་པར་འགྱུར།། དངོས་མེད་ཞི་པ་ཆོས་སྐུ་མ་རྟོགས་པར།། སྟོང་པ་ཅང་མེད་མཐའ་ལ་མ་འཛིན་ཀ།། དོན་གསལ་འདི་ཡི་རྗེས་སུ་འབྲེངས
132b5 པ་ན།། འོན་ཀྱང་སྟོང་ཉིད་ཞི་བ་རྟོགས་ཏེ་འོང་།། གནས་ལུགས་སྣང་ལུགས་རྣམ་གཉིས་མ་རྟོགས་པས།། གཉིས་ཀྱི་མཐའ་ལ་བདེན་པར་མ་འཛིན་ཀ།། སྐུར་པ་མ་འདེབས་དོན་གསལ་རྗེས་ཕྱིར་འབྲངས།། འོན
132b6 ཀྱང་གཉིས་མེད་རང་སྣང་རྟོགས་ཏེ་འོང་།། སྐུ་གསུམ་འདུ་འབྲལ་མེད་པར་མ་རྟོགས་པས།། བློས་བཏགས་བསྐྱེད་རྫོགས་རྣམ་གཉིས་བདེན་པར་མ་འཛིན་ཀ།། སྒྲོ་སྐུར་མ་འདེབས་དོན་གསལ་རྗེས་སུ
iiif viewer powered by OpenSeadragon
