| e-texts navigator |
| Wylie |
132a1 འཁོར་དང་དགའ་རབ་སྡུད་པའི་འཁོར།། གཞན་ཡང་འདིར་མོས་འདིར་འདུས་ཚོགས་པའི་འཁོར།། ང་ཡི་སྤྲོས་བྲལ་དོན་གསལ་རྒྱུད་ཆེན་འདིས།། ཆོས་རྣམས་ཀུན་གྱི་རྩ་བ་ཅར་གྱིས་སྟོན་པས
132a2 ན།། རྩ་བ་ཅར་ཕོག་རྒྱུད་ཆེན་ཞེས་སུ་ཟུང་།། གཅིག་ཤེས་ཀུན་ཏུ་གྲོལ་བར་སྟོན་པས་ན།། ཡང་ཏིག་ལྡེ་མིག་ཆེན་པོའི་རྒྱུད་དུ་ཟུང་།། ད་ལྟ་བུདྡྷ་ཉིད་དང་མཉམ་སྦྱོར་བས།། སངས་རྒྱས་མཉམ་སྦྱོར་ཆེན་པོའི་རྒྱུད་དུ
132a3 ཟུང་།། ལ་ཟློ་སྤྲོས་དང་བྲལ་བར་སྟོན་པས་ན།། སྤྲོས་བྲལ་དོན་གསལ་རྒྱུད་ཆེན་ཞེས་སུ་ཟུང་།། རང་ངོ་རང་ལ་ངོ་སྤྲོད་སྟོན་པས་ན།། གསང་བའི་ངོ་སྤྲོད་ཆེན་པོའི་རྒྱུད་དུ་ཟུང་།། གནས་ལུགས་ཇི་ལྟར་ཡིན་པ་རྫོགས
132a4 པར་སྟོན་པས་ན།། རྫོགས་ཆེན་ནང་ནས་ཡོངས་རྫོགས་ཆེན་པོའི་རྒྱུད་དུ་ཟུང་།། ལྷ་བསྒོམ་དྲི་མེད་དག་པ་ཆེན་པོ་སྟོན་པས་ན།། དྲི་མེད་ཀ་དག་ཆེན་པོའི་རྒྱུད་དུ་ཟུང་།། སྐྱོན་རྣམས་ཡོན་ཏན་དག་ཏུ་ལྷུན་གྱིས་གྲུབ
132a5 པར་སྟོན་པས་ན།། ལྷུན་གྲུབ་ཆེན་པོའི་རྒྱུད་ཆེན་ཞེས་སུ་ཟུང་།། རང་བྱུང་ཡེ་ཤེས་རང་ལ་འཆར་བར་སྟོན་པས་ན།། ཡེ་ཤེས་རང་ཤར་ཆེན་པོའི་རྒྱུད་དུ་ཟུང་།། མ་རིག་མུན་པ་རྩད་ནས་སྨག་རྣམས་སེལ་བས་ན།། མ
132a6 རིག་མུན་སེལ་ཆེན་པོའི་རྒྱུད་དུ་ཟུང་།། འཁོར་བ་ཐམས་ཅད་དོང་ནས་སྤྲུགས་པས་ན།། དོང་སྤུག་ཆེན་པོའི་རྒྱུད་ཆེན་བྱ་བར་ཟུང་།། འཁྲུལ་པ་ཐམས་ཅད་རྩད་ནས་གཅོད་པས་ན།། འཁྲུལ་པ་རྩད་གཅོད་རྒྱུད་ཆེན་བྱ
iiif viewer powered by OpenSeadragon
