| e-texts navigator |
| Wylie |
131a1 བབས་པ་དང་། མཚོ་ལ་དར་ཆགས་པ་དང་། རས་ལ་དྲི་མས་གོས་པ་བཞིན་ནོ།། གཞི་གནས་ཀྱི་དབྱེ་བ་ནི་ཆུ་དང་འོ་མ་ལྟ་བུའོ།། འཕྲལ་འབྱུང་གི་དཔེ་ཆུ་དང་ཟླ་བའོ།། སེལ་བའི་དཔེ་ནི་རལ་གྲི་ལྟ
131a2 བུ་དང་ལྕགས་ཀྱུ་ལྟ་བུའོ།། གསང་བ་ནི་གབ་པའོ།། སངས་རྒྱས་ནི་མཐར་ཕྱིན་པའོ།། མ་རིག་པ་ནི་འཁྲུལ་པའོ།། སྐྱོབ་པས་ན་ལྷའོ།། མཛེས་པས་ན་ལྷ་མོའོ།། བྱམས་པས་ན་མགོན་ནོ།། མཛད་པ་སྣ་ཚོགས
131a3 པས་ན་ཕྲིན་ལས་སོ།། བདག་པོ་ནི་དབང་ཆེན་པོའོ།། ཡོན་ཏན་མ་འགགས་པའོ།། དྲི་མ་མེད་པ་དང་། མི་འགྱུར་བ་དང་། ཐམས་ཅད་མཁྱེན་པའི་ཐུགས་སོ།། སྣ་ཚོགས་སྟོན་པས་གསུང་ངོ་།། གཟི་བརྗིད་ལྡན་པས
131a4 ན་སྐུའོ།། ཐབས་དང་ཤེས་རབ་འཛིན་པས་ན་ཡབ་ཡུམ་མོ།། བྱང་ཆུབ་ཆེན་པོ་དང་ལྡན་ཞིང་བསྐྱེད་པས་སྲས་སོ།། དེ་ལྟར་ངས་བསྟན་པའི་རྒྱུད་ལུང་ཐམས་ཅད་དུ་ཤེས་པར་གྱིས་ཤིག། ངས་བསྟན་པའི་དོན་དེ
131a5 རྣམས་ལ་རྩོད་པར་གྱུར་ན་གང་རྩོད་པ་དང་། རྗེ་བློན་དམངས་གསུམ་དཔང་དུ་བཞག་ལ། འདྲི་ལུགས་དང་དམ་བཅའ་མ་ནོར་བར་བྱས་ལ། སྒྲུབ་བྱེད་ཀྱིས་གང་ཡིན་པ་སྒྲུབ་ཅིང་། གཞན་སེལ་གྱིས་མི་མཐུན་པའི
131a6 ཕྱོགས་ཐམས་ཅད་སྤངས་ལ། ཕན་པའི་རྐྱེན་ཀྱིས་བསྟངས་བཏབ་སྟེ། དོན་མི་འགྱུར་པའི་དབྱིངས་ལ་བསྐྱལ་ལོ།། ལོག་ལྟ་ཅན་གྱི་སྒྲུབ་བྱེད་ལ། སྐྱོན་གྱིས་སྒྲུབ་བྱེད་མི་མཐུན་པའི་ཕྱོགས་བཏང་ངོ་།། ཁོང་གིས
iiif viewer powered by OpenSeadragon
