| e-texts navigator |
| Wylie |
12a1 གཉིས་སྣང་མེད་པས་གཉིས་མེད་དོ།། མི་མཐུན་པའི་སྣང་བ་མེད་པས་གཅིག་གོ། སྒྲིབ་པ་མེད་པས་ཟང་ཐལ་ལོ།། འཁོར་འདས་ཐམས་ཅད་དེ་ལས་འབྱུང་ཞིང་ཐུག་པས་ན་རྩ་བའོ།། བརྗོད་མེད
12a2 བསམ་གྱིས་མི་ཁྱབ་ཀྱང་། དོན་ཡང་དག་པ་དེ་ལས་མི་འདའ་བས་ན་བརྗོད་པ་ཞེས་བྱའོ།། མ་བཅོས་པར་ངང་གིས་གནས་པས་གཤིས་སོ།། ཐམས་ཅད་དེ་ལས་བྱུང་བས་རྒྱུའོ།། གཞི་ཆེན་པོ་དེ་ལས་ཐམས་ཅད
12a3 བསྐྱེད་ཅིང་འབྲེལ་པས་ས་བོན་ནོ།། ཀ་དག་པའི་ཡེ་ཤེས་ཡིན་ཏེ། དྲི་མ་མི་གནས་པས་རྣམ་པར་དག་པའོ།། འཁོར་འདས་ཐམས་ཅད་དེ་ལས་འབྱུང་བས་ན་རིན་པོ་ཆེའོ།། རིགས་ཀྱི་བུ་གཞན་ཡང་འདི་ལྟ་སྟེ། སྣ
12a4 ཚོགས་སུ་སྣང་ཞིང་ཤར་ཡང་ངོ་བོ་མི་རྟོག་པས་འབྱེད་པ་མེད་པའི་ཤེས་རབ་བོ།། རང་གི་ངོ་བོ་རིག་པ་དངོས་མེད་ཡེ་ཤེས་ཡེ་དག་ཟང་ཐལ་དུ་གནས་ལ། དེ་རྡོས་པ་ཅན་གྱི་ཆོས་མིན་པས། ཡོན་ཏན་གྱི་སྒོ་ཡངས་པ
12a5 ནི་ཆོས་ཐམས་ཅད་ཀྱི་འབྱུང་གནས་ཏེ། ངོ་བོ་རྒྱ་མ་ཆད་པའོ།། ཀྱེ་རྡོ་རྗེ་འཛིན་པ་ངས་བསྟན་རྒྱུད་ལུང་དུ། ཚིག་དེ་རྣམས་གང་བྱུང་ཡང་། གཞི་མཚོན་པའི་ཚིག་ཏུ་ཤེས་པར་གྱིས་ཤིག། ངོ་བོ་ཉིད་ཀྱི་སྐུ་ཞེས་པ་ནས་རྒྱ
12a6 མ་ཆད་དོ།། ཞེས་པ་ཡན་ཆད་དུ་བསྟན་པའི་ཚིག་འདི་རྣམས་ངས་འདིར་བསྟན་ཅིང་བཤད་པ་བཞིན་དུ། རྒྱུད་ལུང་ཐམས་ཅད་དུ་ཤེས་པར་གྱིས་ཤིག། གཞན་ཡང་འབོད་སྐད་ཐབས་གསུམ་དང་སྦྱར་ལ་གཞི་མཚོན
iiif viewer powered by OpenSeadragon
