| e-texts navigator |
| Wylie |
129b1 རིག་པའོ།། ཤར་བ་ཡུལ་ལ་ཤར་བ་དང་། རྟོག་པ་དང་རྩལ་ཏེ། དོན་ཟད་ཀར་སྦྱར་རོ།། རང་བྱུང་ནི་འདུས་མ་བྱས་པ་དང་རྩལ་ལོ།། གནས་སྐབས་ཤེས་པ་གཅེས་སོ།། འོད་སྣང་ལ་རང་བཞིན་མེད་པ་དང་། གསལ
129b2 ལ་མ་བསྒྲིབས་པའོ།། མཚོན་བྱ་གཞིར་བཤད་དོ།། མཚོན་བྱེད་ཐབས་སུ་བཤད། མུ་གནས་པས་ནི་མཐའ་དང་བྲལ་བར་བཤད་དོ།། རྣམ་པར་དག་པ་ནི་ཕྱོགས་ཐམས་ཅད་ནས་དག་པའོ།། མཚན་མའི་ཆོས་ལས
129b3 གྲོལ་བའོ།། བདག་མེད་པ་ནི་བདག་གཉིས་དང་བྲལ་བ་སེམས་ལས་གྲོལ་བའོ།། གཞི་ནི་ཆོས་ཉིད་དང་ཆོས་སྐུ་དང་།། ཡེ་ཤེས་ཏེ་སྐབས་དང་སྦྱར་ཞེས་པའོ།། རྩལ་འོད་དང་འཁོར་འདས་སོ།། རོལ་པ་ནི་ཡུལ་དང
129b4 རྣམ་པར་བཤད། མཛད་སྤྱོད་ནི་མཐུན་པར་སྣང་བའོ།། རྫོགས་པ་ནི་ལྷག་མ་མ་ལུས་པའོ།། ཆེན་པོ་ནི་མ་བྱས་པ་དང་། གོང་ན་མེད་པའོ།། ཡེ་ཤེས་ཉིད་ནི་དང་པོའི་ཤེས་པའོ།། དེ་ཉིད་ནི་གཞིའོ།། དེ་ལྟར་རྟོགས
129b5 པས་གྲོལ་བའོ།། མཁའ་འགྲོ་མ་ནི་རྡོ་རྗེ་དང་ཡེ་ཤེས་དང་ལས་དང་ཤ་ཟར་བཤད་དོ།། འགྲོ་བ་ནི་རྟོགས་པས་མཁའ་ལ་འགྲོ་བ་དང་།། ཐུགས་རྗེ་དང་ལས་དང་ཤུགས་ཀྱིས་འགྲོ་བའོ།། འབར་བ་ནི་མ་འགགས་པར
129b6 གསལ་བའོ།། མཛོད་ནི་ཞུགས་གནས་སུ་གྱུར་པའོ།། སྒོ་ནི་འབྱུང་ཞིང་འཇུག་པའོ།། ལྡེ་མིག་ནི་འབྱེད་ཅིང་གྲོལ་བའོ།། དམ་ཚིག་ནི་དབྱེར་མི་ཕྱེད་པའོ།། དཔལ་ནི་བདག་གཞན་གཉིས་ཀྱིའོ།། ཐུགས་རྗེ་ནི་ཐུན
iiif viewer powered by OpenSeadragon
