| e-texts navigator |
| Wylie |
129a1 སོའི་ཆོས་ཉིད་དུ་བཤད་དོ།། བདག་ཉིད་ཆེན་པོ་ནི་ཐམས་ཅད་རིག་པ་དབྱེར་མེད་པར་བཤད་དོ།། རང་བཞིན་ནི་གཞན་ལ་རག་མ་ལུས་པའོ།། འགྲུ་བ་ཐམས་ཅད་ནི་རྩལ་ལོ།། སྦུབས་མེད་པའི་འགྱུ
129a2 བ་རྟོག་མེད་ཀྱི་རྩལ་ལོ།། སྦུབས་ཅན་རྟོག་བཅས་སོ།། དེ་ལྟར་དེ་བཞིན་དེ་འདྲ་ཞེས་པ་ནི་གར་བྱུང་ཡང་ཚིག་སྔ་ཕྱིའི་དཔེ་དང་སྦྱར་རོ།། དེ་ནི་ཞེས་པ་ཐམས་ཅད་ནི་སྔ་མ་འོག་ཏུ་རྒྱས་སུ་བསྟན་པའོ།། ད་ནི་ཞེས་པ
129a3 ནི་སྔ་མ་བཤད་ནས། དེ་དང་དེ་ལས་བཟློག་པ་གཅིག་སྟོན་པའོ།། འདི་ནི་ཞེས་པ་ནི་ཐམས་ཅད་དོན་ལོགས་སུ་བཀར་བའོ།། ཅན་ཐམས་ཅད་ཡོན་ཏན་དུ་སྣང་བ་དང་སྦྱར་བའོ།། དཔལ་དང་སྟུག་པ་དང་མཛེས་པ་ནི
129a4 མཐུ་སྟོབས་དང་བྱིན་རླབས་སོ།། འདི་ཡང་ཞེས་པ་ཐམས་ཅད་དོན་དབུས་མ་གོང་འོག་དུ་བསྟུན་པའོ།། ཅི་ཕྱིར་གང་གིས་ཕྱིར་ན་དེ་ཕྱིར་ནི། གཏན་ཚིགས་སུ་བསྟན་པའོ།། རྣམས་དང་མ་ལུས་པ་དང་ཐམས་ཅད
129a5 དང་ཀུན་དང་དེ་དག་ནི། ཚིག་གི་དོན་ལྷག་མ་མ་ལུས་པར་བསྟན་པའི་ཚིག་གོ།། བྱང་ཞེས་པ་རིག་པ་ཆུབ་པ་ཡེ་ཤེས་སོ།། བྱང་བ་ཆོས་སྐུ་ཆུབ་པ་ལོངས་སྐུ། སེམས་དཔའ་སྦྲུལ་སྐུའོ།། གཞི་དང་རྩལ་དུ་ཡང་བཤད
129a6 དོ།། ཆོས་ཉིད་མི་འགྱུར་བ་དང་རང་གི་མཚན་ཉིད་དང་དབྱིངས་སུ་བཤད། ཤེས་རབ་ཅེས་པ་ནི་ཕྱོགས་ལྷུང་མེད་པ་དང་། སོ་སོར་དཔྱོད་པ་དང་མ་འགགས་པར་བཤད། སྒྲོན་མ་ནི་གསལ་བྱེད་དོ།། མུན་པ་མ
iiif viewer powered by OpenSeadragon
