| e-texts navigator |
| Wylie |
128a1 པའོ།། ཡེ་ཤེས་རང་བརྩེགས་འབྱུང་བས་ཟུག་པ་སྟེ། སྐྱེ་འགག་མེད་པར་བསྒྲུབ་པའོ།། ཧ་དང་ཞབས་ཀྱུས་ཀྱང་ཡི་གེ་དང་བར་འབྲེལ་བས་ཐུང་བ་སྟེ་སྡུད་པའོ།། ཛ་དེའི་ཕན་པའི་རྐྱེན་ཅན་ནོ།། པ་ར
128a2 ཏ་ས་ར་དང་བཅས་པ་ནི་སྤྲོས་པར་བྱེད་པའི་སྒྲུབ་པའོ།། ས་དང་ཏ་ནི་དེ་ལ་ཕན་པའི་རྐྱེན་ཅན་ནོ།། ཐ་ལོག་ཐམས་ཅད་ཐུན་མོང་མ་ཡིན་པའི་བསྒྲུབ་པའོ།། རང་ངོ་ཐམས་ཅད་ནི་དབྱིངས་བསྒྲུབ་པའོ།། དེ་བཞིན་དུ
128a3 འ་དང་ཨ་ལས་ཤར་བ་ཐམས་ཅད་དོན་ཕྱོགས་རེ་དང་ལྡན་པས། ཨའི་དོན་ཕྱོགས་རེ་བསྒྲུབ་པའོ།། དེ་ནི་སྒྲའི་སྒྲུབ་བྱེད་དུ་བཞག་པའོ།། དེ་རྣམས་ཀྱི་འ་དང་ཨའི་མིང་མ་མཐུན་པའི་ཕྱིར་མཐུན་པའི་ཕྱོགས་སེལ
128a4 ཅིང་། སྒོ་སོ་སོའི་མི་མཐུན་ཕྱོགས་སེལ་བས་གཞན་སེལ་ལོ།། དེ་རྣམས་ཀྱི་འཕྲུལ་ལུགས་ཀྱིས་རང་རང་གི་དོན་སྒྲུབ་པའི་གྲོགས་སུ་འགྱུར་བ་དང་། སྤྱིར་གཞིའི་ཡོན་ཏན་བསྒྲུབས་པས་དོན་གྲོགས་སུ་འགྱུར་པས་ན།།
128a5 སྒྲ་ཕན་པའི་རྐྱེན་ཅན་ནོ།། ཞེས་ཞུས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། སྒྲའི་དོན་བསྟན་པའི་ལེའུ་སྟེ་བརྒྱ་དང་ཉི་ཤུ་པའོ།། །། དེ་ནས་ཡང་གསང་བའི་བདག་པོས་ཞུས་པ།། ཀྱེ་ཀྱེ་བཅོམ་ལྡན་རྡོ
128a6 རྗེ་འཆང་།། རྒྱུད་ལུང་མན་ངག་གང་གསུངས་པ།། ཚིག་ཚོགས་ཐམས་ཅད་དེ་ལྟར་བཤད་ལགས་ན།། འབྲུ་རྣམས་ཇི་ལྟར་གཞོམ་པ་གསུང་དུ་གསོལ།། སྟོན་པས་བཀའ་སྩལ་པ།། རྡོ་རྗེ་འཛིན་པ་ལེགས་པར་ཟུང
iiif viewer powered by OpenSeadragon
