| e-texts navigator |
| Wylie |
127a1 ཏེ།། གྲོལ་བ་ནི་གཞི་གཅིག་པའོ།། སེམས་རྟོག་བཅས་སུ་གསལ་ལ། ཡེ་ཤེས་རྟོག་མེད་དུ་བཞུགས་པས། དོན་དེས་རྩལ་གྱི་ངོ་བོ་ནས་མ་གྲོལ་བའོ།། མ་གྲོལ་བའི་གྲོལ་བ་ནི་ཐིག་ལེ་དང་ཡུལ
127a2 ཏེ། ཐིག་ལེའི་རིག་པ་འགགས་པ་མེད་པ་དང་། ཡུལ་མེད་སྟོང་པར་གནས་པས་མ་གྲོལ་བའོ།། གྲོལ་བ་ནི་ཆོས་ཐམས་ཅད་ཐ་དད་པ་ལྟ་བུ་མ་ཡིན་པས། སྟོང་པ་དབྱེར་མེད་དུ་གནས་པས། སོ་སོར་བརྗོད་པ་ལས
127a3 འདས་པའི་གསལ་བ་ཟང་ཐལ་ལོ།། དོན་དེས་མ་གྲོལ་བའི་གྲོལ་བའོ།། ཞེས་གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། མུ་བཞིའི་དོན་བསྟན་པའི་ལེའུ་སྟེ་བརྒྱ་དང་བཅུ་དགུ་པའོ།། །། དེ་ནས
127a4 ཡང་གསང་བའི་བདག་པོས་ཞུས་པ། ཀྱེ་ཀྱེ་བཅོམ་ལྡན་རྡོ་རྗེ་འཆང་།། སྒྲ་ཡི་དོན་བཤད་གསུང་དུ་གསོལ།། ཞེས་ཞུས་སོ།། སྟོན་པས་བཀའ་སྩལ་པ།། ངས་བཤད་རྒྱུད་ལུང་ཐམས་ཅད་དུ།། སྒྲ་རྣམས་ཇི་ལྟར་སྣང
127a5 མོད་ཀྱི།། སྒྲ་ཡི་དབྱིངས་དང་སྒྲུབ་བྱེད་དང་།། གཞན་སེལ་ཕན་པའི་རྐྱེན་ཅན་ནོ།། རྣམ་པ་བཞི་རུ་བསྡུས་ལ་བསྟན།། སྒྲ་ཡི་དབྱིངས་ནི་འ་དང་ཨའོ།། དེ་གཉིས་ཀུན་གྱི་འབྱུང་གནས་ཡིན།། དེ་ཡང་ཇི་ལྟར་འབྱུང་ཞེ
127a6 ན།། དེ་གཉིས་སུ་མེད་པར་མ་བྱུང་བའོ།། དེ་གཉིས་མི་འགྱུར་བས་སའོ།། དེ་གཉིས་ཀྱི་བར་དུ་ཡེ་ཤེས་མི་འགག་པར་རང་བྱུང་བས་ཧའོ།། དེ་ལས་ཤེས་རབ་སྐྱེ་བས་ཤ་འབྱུང་བའོ།། དེ་གཉིས་ཀ་ཕྱི་མོ་ཡིན་པ་དང་།
iiif viewer powered by OpenSeadragon
