| e-texts navigator |
| Wylie |
125a1 པར་དག་པ་སྟེ། རང་རིག་པའི་ཡེ་ཤེས་ལས་གཞན་སྣང་རྟོག་པ་མི་མངའ་བས། འཛིན་རྟོག་བྲལ་བའི་ཡེ་ཤེས་སོ།། རིགས་ཀྱི་བུ་དེ་ནི་གཞན་མ་ཡིན་ཏེ། རང་གི་རིག་པ་འདི་ཉིད་དོ།། འདི་ཉིད་རྟོག་པ
125a2 ལྟར་སྣང་བ་ནི། རྐྱེན་ཕྲ་མོས་སྣང་བའོ།། དོན་ཤེས་པ་གནས་འགྱུར་མ་ཡིན་ཏེ། དཔེར་ན་ཁྱིམ་ཀྱི་ནམ་མཁའ་སྒྲིབ་པས་བཅད་ཀྱང་རྒྱ་མཐོངས་ན་ཡར་ཟང་ཐལ་ཏེ། ནམ་མཁའ་དབྱེར་མེད་དོ།། དེ་བཞིན་དུ་བག
125a3 ཆགས་སྦུབས་ཀྱིས་བཅད་ཀྱང་། དོན་ཡེ་ཤེས་ཟང་ཐལ་ཏེ། བརྟགས་ན་མ་བསྒྲིབས་པར་ཟང་ཐལ་ལོ།། དེ་བས་ན་ཡིན་པ་ལ་བདག་མེད་པའོ།། དེའི་ངང་ལ་དུས་གསུམ་གྱི་སངས་རྒྱས་བཞུགས་ཀྱང་། འབྱེད་པ
125a4 མེད་པའི་ཤེས་རབ་རང་གསལ་རྟོག་པ་མེད་པར་བཞུགས་སོ།། རིག་པའི་ཡོན་ཏན་དང་པོ་ཀློང་ནས་ཤར་བ། ཐ་མར་མི་འགགས་པ་རང་གི་ཀློང་ན་གནས་ཏེ། ཡུམ་གྱི་བུམ་པ་ཡེ་ཤེས་ཀྱི་སྐུ་ལྔ་སོ་སོར་གནས་ཏེ།
125a5 རང་སྣང་ལས་གཞན་སྣང་མེད་པའོ།། དོན་དེ་སོ་སོར་མ་འདྲེས་པ་ལ་མི་འབྱེད་པར་བཞུགས་སོ།། དུས་དེར་རིག་པ་རང་ས་ཟིན་ཏེ། གཉིས་མེད་ཆོས་སྐུ་མི་འགྱུར་བས། སྟོང་པ་ཉིད་རྡོ་རྗེ་ལྟ་བུའི་སྐུ་ཐོབ
125a6 བོཔོ།། གཉིས་སུ་མེད་པ་ཆོས་སྐུའི་ངང་ན་རིག་པ་ཡེ་ཤེས་ཀྱི་སྤྱན་འགགས་པ་མེད་པར་གསལ་བས། ལོངས་སྤྱོད་རྫོགས་པའི་སྐུ་འགགས་པ་མེད་པའི་གསུང་གཡུང་དྲུང་ལྟ་བུའི་ཚེའོ།། རིགས་ལྔ་སྤྲུལ་པའི་སྐུ་ཡེ་ཤེས
iiif viewer powered by OpenSeadragon
