| e-texts navigator |
| Wylie |
124a1 འབྱེད་པ་མེད་པའི་ཤེས་རབ་ཀློང་གཅིག་དུ་དྲིལ་ཏེ། གཤེར་བ་མེད་པའི་ཆུའོ།། དེ་བཞིན་རྣམ་པར་དག་པའི་དབྱིངས་དེ་བརྩེགས་ལེགས་སོ།། དེ་ཡང་དབྱིངས་རྣམ་པར་དག་པའི་ངང་ན། རིག་པ
124a2 གསལ་སྟོང་དབྱེར་མེད་དོ།། དེའི་ངང་ནས་ཡེ་ཤེས་ཀྱི་སྤྱན་མ་འགགས་པར་ཤར་བ་འོད་ཀྱི་བུམ་པ་ལྔར་གནས་ལ། དེའི་སྙིང་པོ་རིགས་ལྔའི་སྐུ་གསལ་ལ་མ་འདྲེས་པར་གནས་སོ།། དེས་ན་བརྩེགས་ལེགས
124a3 སོ།། རིགས་ཀྱི་བུ་རང་གསལ་འཛིན་པ་མེད་པའོ།། དེའི་དུས་སུ་སྲ་བ་དང་བཅས་པའི་ས། སྲ་བ་མེད་པའི་ངང་དུ་གྲོལ་ཏེ། དོན་འགྱུར་བ་མེད་པའོ།། དེ་ཡང་རང་གི་ངོ་བོ་འགྱུར་བ་མེད་པའི་ངང་ན། གོང་མ་བཞིན
124a4 མ་འདྲེས་པར་ཡོངས་སུ་རྫོགས་པར་གནས་པ་མཆོད་རྟེན་ལྟ་བུའོ།། དེ་ལ་བཟང་ངན་དང་ཆེ་ཆུང་དང་ཡངས་དོག་མེད་པར་གནས་པས་ཀུན་ཏུ་ཁོད་སྙོམས་པའོ།། འདུག་ཚུལ་སྐུ་དང་ཡེ་ཤེས་ལ། སྣང་ཚུལ་སྐུ་དང
124a5 ཡེ་ཤེས་ལྔར་ཤར་བས། རྟོགས་ཚུལ་གཉིས་མེད་ཆེན་པོར་རྟོགས་ཏེ། དབྱེ་བ་མེད་པའི་ཚུལ་ཤེས་པའོ།། རིགས་ཀྱི་བུ་དུས་དེར་ཚ་བ་དང་བཅས་པའི་མེ་ཚ་བ་མེད་པའི་ངང་དུ་གྲོལ་ཏེ། རང་རིག་པའི་ཡེ་ཤེས་ལས
124a6 གཞན་སྣང་གི་རྟོག་པ་མེད་པའོ།། དྲི་མ་མེད་པའི་རིག་པ་ལ་སྐུ་དང་ཡེ་ཤེས་སུ་གནས་ཀྱང་། དོན་གཉིས་སུ་མེད་པར་གསལ་ཏེ། ས་བོན་འབྲས་བུར་སྨིན་ལ་འབྲས་བུ་འགྱུར་བ་མེད་པར་གནས་པ་ནི། མེ་ཏོག་པད
iiif viewer powered by OpenSeadragon
