| e-texts navigator |
| Wylie |
123a1 གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། དཔེ་སྤྱིར་དྲིལ་ནས་དོན་བཤད་དང་བཅས་པའི་ལེའུ་སྟེ་བརྒྱ་དང་བཅོ་ལྔ་པའོ།། །། དེ་ནས་ཡང་གསང་བའི་བདག་པོས་ཞུས་པ།། ཀྱེ་ཀྱེ
123a2 བཅོམ་ལྡན་རྡོ་རྗེ་འཆང་།། མྱ་ངན་འདའ་ལུགས་ཇི་ལྟར་ལགས།། ཞེས་ཞུས་སོ།། སྟོན་པས་བཀའ་སྩལ་པ།། སངས་རྒྱས་མྱ་ངན་འདའ་བའི་ཚུལ།། ཟུར་ཙམ་གོང་དུ་ངས་བསྟན་ཡང་།། ཁྱོད་ཀྱི་ངེས་པར་མ་ཤེས
123a3 ན།། རྒྱས་པར་ངས་བཤད་ལེགས་པར་ཟུང་།། ཤེས་རབ་མཁའ་ལ་འདེགས་པ་ཡི།། མ་བསྐྱོད་ཤུགས་ནི་བསྐྱོད་པར་བྱེད།། འབྱུང་བ་མ་ལ་ཞ་བ་ཡི།། མཚན་མ་རང་སར་གྲོལ་བར་བྱེད།། ཡེ་ཤེས་དབྱིངས་སུ་ཐིམ་པ
123a4 ཡིས།། རྩལ་རྟོག་བཞི་ལ་ཐིམ་པར་སྟོན།། ཤེས་རབ་མཁའ་ལ་ཐིམ་པ་ཡིས།། སྐུ་གསུམ་ཡེ་ནས་ནང་གསལ་སྟོན།། རིག་པར་རང་ས་ཟིན་པ་ཡིས།། དགོངས་པ་འགྱུར་བ་མེད་པར་སྟོན།། ཞེས་གསུངས་སོ།། དེ
123a5 ནས་ཡང་གསང་བའི་བདག་པོས་ཞུས་པ།། ཀྱེ་ཀྱེ་བཅོམ་ལྡན་རྡོ་རྗེ་འཆང་།། རང་བྱུང་ཚིག་ལྔའི་དགོངས་པ་དེ་ལྟར་ན།། སོ་སོའི་མཚན་ཉིད་རྣམ་གྲངས་དང་།། དཔེ་དང་དོན་གྱི་གྲོལ་ལུགས་རྣམས།། ད་ལྟར་གནས
123a6 དང་རྗེས་འཇུག་ལ།། ཐབས་ལ་མཁས་པས་གསུང་དུ་གསོལ།། ཞེས་ཞུས་སོ།། སྟོན་པས་བཀའ་སྩལ་པ།། ལག་ན་རྡོ་རྗེ་ངེས་ཟུང་ཞིག། ཤེས་རབ་མཁའ་ལ་འདེགས་པ་ལ།། མཚན་ཉིད་རྣམ་གྲངས་རྣམ་པ
iiif viewer powered by OpenSeadragon
