| e-texts navigator |
| Wylie |
121b1 གསང་བའི་བདག་པོས་ཞུས་པ། ཀྱེ་ཀྱེ་བཅོམ་ལྡན་རྡོ་རྗེ་འཆང་།། དེ་ཡི་དོན་བཤད་གསུང་དུ་གསོལ།། ཞེས་ཞུས་སོ།། སྟོན་པས་བཀའ་སྩལ་པ། གསང་བའི་བདག་པོ་ངེས་པར་ཟུང་ཞིག། སོ་སོ་ངོ་བོ་ངེས་ཚིག
121b2 དང་།། དབྱེ་བ་མིང་དང་མཐུན་དཔེ་བསྟན།། འཁོར་བའི་ཆོས་ལ་མི་གནས་པར།། མྱ་ངན་འདས་པའི་དོན་ལ་གནས།། གྲོལ་བ་སྤྱི་ཡི་ངོ་བོར་བཤད།། རང་རང་སོ་སོའི་ངོ་བོར་ཏེ།། ལུས་ལས་གྲོལ་བའི་ངོ་བོ
121b3 ནི།། རང་གདངས་ཆེན་པོ་གསལ་བ་ཡིན།། ཡུལ་ལས་གྲོལ་བའི་ངོ་བོ་ནི།། རིག་པ་དངོས་མེད་རིན་ཆེན་སྦུབས།། སེམས་ལས་གྲོལ་བའི་ངོ་བོ་ནི།། རྟོག་མེད་དྲི་དག་རང་གསལ་ཡིན།། གྲོལ་བ་ཞེས་པའི་ངེས་ཚིག
121b4 ནི།། རྩོལ་བའི་ཆོས་ལས་རབ་འདས་ཤིང་།། འཁྲུལ་པ་གསུམ་གྱིས་མ་བཅིངས་པས།། ངེས་ཚིག་གཏན་ཚིགས་བཅས་པ་ཡིན།། དབྱེ་བ་ངོ་བོའི་སྐབས་སུ་བཤད།། དཔེ་ནི་སྦྲུལ་ལ་མདུད་བོར་དང་།། རྔ་མ་དག་གི
121b5 མདུད་པ་བཞིན།། ཐུགས་རྗེའི་ངོ་བོ་ངེས་ཚིག་ནི།། ངོ་བོ་མ་འགགས་གཟུགས་སྐུ་གཉིས།། ཅིའི་ཕྱིར་ན་ཐུགས་རྗེ་ཞེས་བྱ་ན།། མ་འགགས་གནོད་པ་སེལ་བའི་རྟགས།། དབྱེ་ན་ཆེན་པོ་ཆུང་ངུ་གཉིས།། རྟོག་མེད་དང
121b6 ནི་རྟོག་བཅས་སོ།། འཛིན་པར་བྱེད་པས་ལྕགས་ཀྱུ་བཞིན།། སྒྲོལ་བར་བྱེད་པའི་གྲུ་བཞིན་ནོ།། མ་རིག་སེལ་བས་ཉི་ཟླ་བཞིན།། སྡུག་བསྔལ་ནད་སེལ་སྨན་དང་སྨན་པ་བཞིན།། ཞེས་གསུངས་སོ།། སྤྲོས་བྲལ་དོན
iiif viewer powered by OpenSeadragon
