| e-texts navigator |
| Wylie |
121a1 བུའོ།། རྟོག་པ་མེད་པའི་བསྒོམས་པས་མི་གྲོལ་དཔེ་ནི། རི་མོའམ་ལྡེར་སོ་ལྟ་བུའོ།། རིན་པོ་ཆེའི་སྦུབས་ནས་དགོངས་པ་གསལ་བ་གཞན་གྱིས་མི་མཐོང་བའི་དཔེ་ནི། གནས་ཁང་ཡངས་པར་མཚན
121a2 མོ་མགྲོན་པོ་སྔ་ཕྱི་ཚོགས་ནས་ཉལ་བ་ལྟ་བུའོ།། དང་པོ་རིན་པོ་ཆེའི་སྦུབས་ནས་འཁྲུལ་པའི་དཔེ་ནི། བྱིས་པས་མེ་ལོང་དུ་ཤར་བའི་བྱད་ངོ་མ་ཤེས་པར་གཞན་དུ་མཐོང་བ་ལྟ་བུའོ།། ཕྱི་མས་མི་འཁྲུལ་པའི་དཔེ་ནི།
121a3 བྱིས་པས་རང་གི་ན་རྫོགས་ནས་རང་བྱད་ལ་རང་གི་ངོ་ཤེས་པ་ལྟ་བུའམ། ལོ་ཐོག་ནས་སུ་སྨིན་ནས་ནང་པར་ལྡང་བར་མི་འགྱུར་བ་ལྟ་བུའོ།། རིགས་ཀྱི་བུ་དཔེའི་ངོ་བོ་ནི། སོ་སོར་མཚོན་པའི་དཔེ་ཇི་བཞིན
121a4 པའོ།། དཔེའི་ངེས་ཚིག་ནི་ཕྱོགས་མཐུན་འདྲ་བའི་སྒོ་ནས་མཚོན་པར་བྱེད་པའི་ཕྱིར་ནའོ།། དབྱེ་བ་ནི་གཞི་མཚོན་པའི་དཔེ། རྩལ་མཚོན་པའི་དཔེ་དང་། གྲོལ་བ་མཚོན་པའི་དཔེ་དང་། གཉིས་མེད་མཚོན་པའི
121a5 དཔེའོ།། དགོས་པ་ནི་དོན་རྟོགས་པའོ།། ཞེས་གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། དབང་པོ་ཡང་རབ་ལ་གྲོལ་དུ་མེད་པར་བསྟན་པ་དང་། འབྲིང་ལ་རབ་འབྲིང་ཟ་གསུམ་གྱི་དབྱེ་བ་དང་། ལྔ
121a6 ལྡན་རྫོགས་ལྡན་ཟད་ཀར་ངོས་བཟུང་བ་དང་། མངོན་ཤེས་དྲུག་ཟུགས་རྗེའི་འབྱུང་ལུགས་དང་བཅས་པ་དང་། རྫོགས་ལྡན་ཆེན་པོ་སོ་སོར་ཕྱེ་སྟེ་བསྟན་པའི་ལེའུ་སྟེ་བརྒྱ་དང་བཅུ་གསུམ་པའོ།། །། དེ་ནས་ཡང
iiif viewer powered by OpenSeadragon
