| e-texts navigator |
| Wylie |
120a1 དོན་བྱེད་པའོ།། ཐུགས་རྗེའི་ལྕགས་ཀྱུས་ཞིང་དག་པ་དེ་ཡང་དག་པའི་ས་ལ་འཛིན་པའོ།། རྫོགས་ལྡན་གྱི་དགོངས་པའོ།། དེ་ནས་བདག་ཉིད་ཆོས་སྐུར་གྲོལ་བས་ནི། མི་གནས་པའི་ཡེ་ཤེས་ཆེན་པོས
120a2 འབྱེད་པ་མེད་པའི་མཁའ་ཀློང་དུ་འཁོད་སྙོམས་སོ།། དེ་བས་ཐ་མས་རྫོགས་ལྡན་ཆེན་པོའོ།། ཞེས་གསུངས་སོ།། གསང་བའི་བདག་པོས་ཞུས་པ། མངོན་པར་རྫོགས་པར་སངས་རྒྱས་པའི་དཔེ་ཇི་ལྟ་བུ་ལགས། མ
120a3 རྟོགས་པ་ལ་བར་དོ་ན་སེམས་དངོས་སུ་མེད་པར་སེམས་ཕྱིས་འཆར་བའི་དཔེ་ཇི་ལྟ་བུ་ལགས། སྤྲུལ་པའི་སྐུས་དོན་བྱས་ནས་རང་གྲོལ་བའི་དཔེ་ཇི་ལྟ་བུ་ལགས། མྱ་ངན་ལས་འདས་པའི་དཔེ་ཇི་ལྟ་བུ་ལགས། ཞིང
120a4 ཁམས་གཅིག་པ་ལ་སྙིང་པོ་ཐ་དད་པའི་དཔེ་ཇི་ལྟ་བུ་ལགས། རིག་པ་གཅིག་ལ་རྩལ་སོ་སོར་རྫོགས་པའི་དཔེ་ཇི་ལྟ་བུ་ལགས། རང་ས་ན་གྲོལ་ཞིང་རང་ས་ནས་དབྱེར་མི་ཕྱེད་པའི་དཔེ་ཇི་ལྟ་བུ་ལགས། མུ་བཞིའི
120a5 དཔེ་ཇི་ལྟ་བུ་ལགས། ཡེ་ཤེས་རང་ལ་གནས་པའི་དཔེ་ཇི་ལྟ་བུ་ལགས། རྟོག་པ་མེད་པར་བསྒོམ་པས་མི་གྲོལ་བའི་དཔེ་ཇི་ལྟ་བུ་ལགས། རིན་པོ་ཆེའི་སྦུབས་ན་དགོངས་པ་གསལ་ལ་གཞན་གྱིས་མི་གཟིགས་པའི
120a6 དཔེ་ཇི་ལྟ་བུ་ལགས། དང་པོ་རིན་པོ་ཆེའི་སྦུབས་ལས་འཁྲུལ་པའི་དཔེ་ཇི་ལྟ་བུ་ལགས། ཕྱིས་མི་འཁྲུལ་པའི་དཔེ་ཇི་ལྟ་བུ་ལགས། དཔེའི་ངོ་བོ་གང་ལགས། ངེས་ཚིག་གང་ལགས། དབྱེ་བ་ཇི་ལྟར་ལགས། དགོས
iiif viewer powered by OpenSeadragon
