| e-texts navigator |
| Wylie |
11b1 པོའོ།། ཆོས་ཉིད་གསལ་བའི་རང་གདངས་ལ།། ཡེ་ཤེས་དག་པའི་ཟེར་མདངས་ཤར།། འགག་མེད་འོད་ཀྱི་གཞལ་ཡས་ཁང་།། སྙིང་པོ་སྐུ་ལྔ་ནང་ན་གསལ་བས་ན།། གཞོན་ནུའི་སྐུའོ།། བགྲེས་པ་མི་མངའ་བས
11b2 གཞོན་པའོ།། རིག་པ་དང་ཡེ་ཤེས་འདུ་འབྲལ་མེད་པས།། ཐབས་འགག་པ་མེད་པའི་ཡེ་ཤེས་དང་། ཤེས་རབ་འགྱུར་བ་མེད་པས་ཡེ་ཤེས་སོ།། ཆོས་ཉིད་ཀྱི་ཀློང་དུ་རིག་པ་གྲུབ་ཅིང་རིག་པའི་ཀློང་དུ་ཡེ་ཤེས་ཀྱི་རང
11b3 གདངས་ལྔ་གྲུབ་སྟེ། འོད་ཀྱི་སྦུབས་ན་སྐུ་ལྔ་གྲུབ་པས་རང་བཞིན་ལྷུན་གྱིས་གྲུབ་པའི་སངས་རྒྱས་སོ།། ངོ་བོ་ཉིད་ཀྱི་སྐུ་དབྱེར་མི་ཕྱེད་པའི་ངང་ནས། རང་བཞིན་འོད་ཀྱི་བུམ་པ་ལྔ་གསལ་སྟེ། ཐུགས་རྗེའི་སྙིང་པོ་སྐུ
11b4 ལྔ་ཕྱག་རྒྱ་མ་སྲེས་པའི་ཚུལ་དུ་གནས་པས་ན་ངོ་བོ་རང་བཞིན་ཐུགས་རྗེ་གསུམ་མོ།། ཞེས་རྡོ་རྗེ་འཛིན་པས་ལེགས་པར་ཟུང་ཞིག། གཞན་ཐམས་ཅད་ཐ་སྙད་ཡིན་ལ། ཡང་དག་པའི་དོན་དེ་ལྟར་གསལ་བས་ན།།
11b5 དང་པོའི་གནས་ལུགས་སོ།། རང་བྱུང་གི་ཡེ་ཤེས་ཡིན་པས་ན། དང་པོའི་སངས་རྒྱས་རྒྱུ་མེད་པ། སངས་རྒྱས་ཐོག་མཐའ་མེད་པའོ།། གཟིགས་སྣང་ལས་འདས་པའི་གསལ་བ་མི་འགག་པས་ཡེ་ཤེས་ཀྱི་མིག
11b6 གོ། གཉིས་སུ་སྣང་བས་རྟག་ཆད་དང་ཡོད་མེད་ཆེ་ཆུང་མཐོ་དམན་དང་། ཡངས་དོག་གཟུང་འཛིན་དགག་བསྒྲུབ་དང་། དག་དང་མ་དག་ཕྱི་ནང་ཡང་དོག་དང་། བླང་དོར་ཡིན་མིན་གཉིས་ཀྱི་ཆོས། དེ་བཞིན་དུ
iiif viewer powered by OpenSeadragon
