| e-texts navigator |
| Wylie |
119b1 གེ་དྲུག་པོ་དེ་གཞི་ཆོས་སྐུ་ལ་དོན་ལྡན་དུ་བཞུགས་སོ།། དབྱིངས་དང་རིག་པ་དང་། ཡེ་ཤེས་དང་། ཤེས་རབ་དང་། མི་འགྱུར་བ་དང་། མཉམ་པ་ཉིད་དང་། དབྱེ་རུ་མེད་པར་གནས་པའོ།། བག་ཆགས་ལུས་ཅན
119b2 སྦྲུལ་སྐུ་ལ། ལུས་ཀྱི་གནས་དྲུག་ལ་གནས་ཏེ། གསུང་འགག་པ་མེད་པར་དོན་ལ་སྦྱར་བའོ།། ལོངས་སྐུའི་ལྗགས་ལས་འཕྲོ་བ་ནི། ཐུགས་རྗེ་འབྱུང་བའི་གཞི་མ་འགགས་པ། ཡི་གེ་དྲུག་པོ་ལས་རིན་པོ་ཆེའི་སྲད་བུ
119b3 བསྒྲིལ་བ་འམ། སྣལ་མའི་ཚོན་སྐུད་བསྒྲིལ་མ་བཞིན་འཕྲོས་པས། ལས་དག་པ་སྤྲུལ་པ་ཕོ་མོའི་སྤྱན་ནས་འཇུག། སེམས་ཅན་ལས་ཀྱི་སྐྱེ་བ་མངལ་ནས་འཇུག་པའོ།། བདེ་བ་ཆེན་པོའི་གསང་གནས་ནས། འོད
119b4 འབར་བ་བདེ་བའི་རྟ་ལ་ཞོན་ཏེ། བདེ་ཆེན་ཡོངས་ལ་ཁྱབ་པའི་ཐིག་ལེ་ལ། སྣོད་དང་བཅུད་ཀྱི་ཚུལ་དུ་གབ། དེ་སྤྲུལ་པའི་སྐུར་གྱུར་ནས་སེམས་ཅན་གྱི་དོན་བྱེད་པའོ།། དོན་ཡོད་འགྲོ་བའི་དོན་བྱེད་པའོ།། རྟོགས
119b5 མེད་དུ་འབྱུང་བ་ཀུན་གྱི་དོན་མ་སྤངས་པའོ།། དེ་བཞིན་གཤེགས་པ་སྔ་མ་ལས་ཕྱི་མ་འཆར་ཏེ། དེ་ཉིད་སྤྲུལ་པ་རྒྱུན་མི་ཆད་པས། སངས་རྒྱས་སྤྲུལ་པའི་རྒྱུད་འཆང་བའོ།། ཕྱོགས་གཅིག་ཏུ་མ་ངེས་ཏེ། གདུལ་བྱ་གང
119b6 ན་གནས་པའི་དོན་མཛད་པས་ན། ཕྱོགས་བཅུར་སྤྲུལ་པ་སྣ་ཚོགས་འགྱེད་པའོ།། མཐུན་པས་མཐུན་པ་འདུལ་བར་གཟིགས་པས་ན། ཇི་བཞིན་འགྲོ་བའི་དོན་བྱེད་པའོ།། དངོས་སུ་ཐུབ་པ་དྲུག་གིས་འགྲོ་བ་དག་གི
iiif viewer powered by OpenSeadragon
