| e-texts navigator |
| Wylie |
119a1 སྦུབས་ནས་འབྱེད་པ་མེད་པའི་ཤེས་རབ་འཛིན་པ་མེད་པའི་རང་གསལ། གཞན་སྣང་གི་རྣམ་རྟོག་མེད་པར་བཞུགས་པར་མཁྱེན་ནོ།། ཐད་ཀར་རང་གི་དགོངས་པ་མ་འགགས་པར་གསལ་ལོ།། མར
119a2 སེམས་ཅན་གྱི་རྣམ་རྟོག་མངོན་དུ་མཁྱེན་ནོ།། གནས་ཀྱི་མངོན་པར་ཤེས་པ་ནི། སྐུ་གསུམ་གྱི་ཞིང་ཁམས་དང་། ཆོས་ཀྱི་དབྱིངས་དང་འོད་ཀྱི་སྣང་བ་དང་།། འབྱུང་བ་བཞི་ལ་བརྟེན་པ་བཅའ་ལུགས་བཞིན་གྱི་རིགས
119a3 དྲུག་གི་གནས་གཞན་མ་འགགས་པར་གསལ་ལོ།། ལས་ཀྱི་མངོན་པར་ཤེས་པ་ནི། སྔོན་རང་གིས་ཇི་ལྟར་སྤྱད་པ་དང་། ད་ལྟ་འགྲོ་བ་གཞན་ཇི་ལྟར་སྤྱོད་པ་མཁྱེན་ནོ།། ཐུགས་རྗེ་བྱིན་རླབས་ཀྱི་མངོན་པར་ཤེས་པ
119a4 ནི། མཐུན་པའི་སེམས་ཅན་རྣམས་ལ་སྣང་བས། རིགས་དྲུག་མཐུན་པས་མཐུན་པར་སྣང་བས་འདུལ་བ་གཟིགས་ཏེ། སྤྲུལ་པའི་སྐུ་ས་དྲུག་ཤར་ལུགས་མཁྱེན་ནོ།། རིགས་ཀྱི་བུ་དེ་ལ་ཆོས་ཀྱི་སྤྱན་ཞེས་ཅིའི་ཕྱིར
119a5 གདགས་ཤེ་ན། སྤྲུལ་པའི་སྐུ་འཁོར་བའི་ཆོས་དང་། ཆོས་སྐུ་རིན་པོ་ཆེ་མྱ་ངན་ལས་འདས་པའི་ཆོས་གཉིས། རྣམ་རྟོགས་མི་མངའ་བར་གསལ་བས་ཆོས་ཀྱི་སྤྱན་ནོ།། དོན་ལ་རྣམ་པར་མཁྱེན་པ་ནི་ལྐོགས་སུ་གྱུར་པ
119a6 མཁྱེན་པའོ།། སྤྱན་ནི་གསལ་ལ་མི་རྟོག་པ་སྟེ། གཟུགས་བརྙན་ལ་སོགས་པ་བཞིན་ནོ།། དེ་ཚེ་རང་བྱུང་གི་ཡི་གེ་དྲུག་འཆར་བ་ཡང་། འ་དང་། ཨ་དང་། ཧ་དང་། ཤ་དང་། ས་དང་། མ་དང་དྲུག་སྟེ། རིགས་ཀྱི་བུ་ཡི
iiif viewer powered by OpenSeadragon
