| e-texts navigator |
| Wylie |
117b1 རླུང་ལ་སོགས་པ་རླུང་ལྔ་གནས་པར་བྱེད་པ་ནི་འདེགས་པར་བྱེད་པའི་རླུང་ཚིགས་པ་ལ་གནས་ཏེ། ལུས་ཡང་ཞིང་བསྐྱོད་ནུས་པའོ།། དེ་ཞི་བས་ལུས་མི་ཐེག་སྟེ། དེ་ནི་ས་དང་གྲོགས་པའི་རླུང་ངོ་།། བཀྲག་དང་གཟི
117b2 མདངས་སྐྱེད་པའི་རླུང་ལུས་ལ་སྤྱིར་ཁྱབ་པར་གནས་ཏེ། དེ་ནི་ཁྱབ་བྱེད་ཀྱི་རླུང་ཞེས་བྱ་སྟེ། ལུས་ཀྱི་སྣུམ་བཀྲག་དང་གཟི་མདངས་འབྱིན་པའོ།། ཤིན་ཏུ་ཡང་བས་རྐྱེན་ཕྲ་མོས་ཀྱང་བསྐྱོད་ནུས་ཏེ། ལུས་མདངས་དང
117b3 བཀྲག་འཆོར་བའོ།། དེ་ནི་ཆུ་དང་འགྲོགས་པའི་རླུང་སྟེ། ཞི་བས་མདངས་ཉམས་པའོ།། མེ་དང་དུས་མཉམ་པའི་རླུང་ཕོ་བ་ན་གནས་ཏེ། དེར་ཟས་འཇུ་བ་དང་ལུས་བྱིངས་དྲོད་སྐྱེ་བར་བྱེད་དོ།། ཞི་བས་དྲོད་འཆོར
117b4 བས་ཟས་མི་འཇུ། དེ་ནི་མེ་དང་འགྲོགས་པའི་རླུང་ངོ་།། དངས་སྙིགས་འབྱེད་པའི་རླུང་ནི་སྟེང་སྒོ་འོག་སྒོ་གཉིས་ལ་ཁྱབ་པར་གནས་ཏེ། དེ་ནི་རླུང་གི་རླུང་སྟེ་ཟས་དངས་སྙིགས་འབྱེད་པ་དང་། སྙིགས་མ་གྱེན་མཐུར
117b5 དུ་སེལ་བར་བྱེད། ཐིག་ལེ་དཀར་དམར་དང་དྲི་ཆུ་ལ་སོགས་པ་སེལ་བའོ།། དེ་ཞི་བས་ཕོ་བ་བརྫངས་པ་དང་། ཤེས་པ་དང་ལུས་བྱིང་ངོ་།། སྙིང་རྗེ་མེད་པ་ལས་ཀྱི་རླུང་ནི། རླུང་འཁོར་བ་སྲོག་རྩ་ན་གནས་ཏེ། སྲོག
117b6 འཛིན་པའི་རླུང་ཡིན་པས། ཇི་སྲིད་གནས་ཀྱི་བར་དུ་ལུས་སེམས་མི་འབྲལ་བའོ།། དེ་ནི་རྣམ་པར་ཤེས་པ་དང་འགྲོགས་པའི་རླུང་སྟེ། དེ་བསྐྱོད་པས་སྙིང་ནས་ལམ་རྩ་དར་དཀར་གྱི་སྐུད་པ་འདྲ་བ་དེར་བསྐྱོད་དེ།
iiif viewer powered by OpenSeadragon
