| e-texts navigator |
| Wylie |
117a1 ཤེས་རླུང་གིས་ཆོས་ཉིད་ངང་ལ་སྤྱོད།། དེ་ཚེ་འབྱུང་བའི་མཚན་མ་རང་སར་ཐིམ།། སྦྲུལ་སྐུའི་འབྱུང་ལྔ་འོད་ལྔའི་ནང་དུ་ཐིམ།། དེ་ཡང་ཡེ་ཤེས་འབྱུང་བའི་ངོ་བོར་གྲོལ།། དང་པོ་མ་ལས་ཤར་བསམ
117a2 ཡི་ངང་དུ་ཞི།། དང་པོ་ཤར་ཡང་དབྱིངས་ཀྱི་ངང་ནས་ཤར།། བར་དུ་གནས་ཀྱང་ཆོས་ཉིད་ངང་དུ་གནས།། ཐ་མ་ཐིམ་ཡང་ཆོས་ཉིད་ངང་དུ་ཐིམ།། སྤྱན་གསུམ་རྣམ་དག་འགྱུར་མེད་གཅིག་ཏུ་གསལ།། ཆོས་ཉིད་དང
117a3 ན་རིག་པའི་ཡེ་ཤེས་གསལ།། ཕྱིར་མི་གསལ་ལ་ཡེ་ཤེས་ནང་དུ་གསལ།། བུམ་པའི་ནང་དུ་མར་མེ་གསལ་བ་བཞིན།། དེ་ཚེ་འགྱུར་མེད་སྐུ་གསུམ་རང་ས་ཟིན།། འབྲིང་གིས་རྫོགས་ལྡན་ཆེན་པོའི་དགོངས་པ
117a4 རྫོགས།། འབྲིང་གི་ཐ་མའི་གྲོལ་ལུགས་ནི།། ཕྱི་ཡི་འབྱུང་བ་རྣམ་པ་ལྔ།། ཕྱི་ཡི་སྣང་བྱེད་སྒྲོན་མ་ལ་ཚུར་ཤར་ཏེ།། གཟུང་བའི་ཡུལ་དང་བྲལ་བའོ།། སྒོ་ལྔ་གསལ་བའི་སྒྲོན་མ་ནི།། ཡེ་ཤེས་དབང་དུ་འདུས་པས
117a5 འཛིན་རྟོག་བྲལ། ནང་གི་འབྱུང་བ་རྣམ་པ་ལྔ། རིག་པའི་སྒྲོན་མ་ཡེ་ཤེས་རྩལ་སྣང་ལྔ་ལ་འདུས། དེ་ནི་རྩལ་གཞི་ལ་འདུས་པར་བསྟན་པའོ།། དེའི་ཚེ་ཐུགས་རིན་པོ་ཆེ་ཉི་ཟླ་ཁ་སྦྱོར་གྱི་ཀློང་ཡངས་ན།། འབྱེད་པ་མེད
117a6 པའི་ཤེས་རབ་ཀློང་གཅིག་དུ་དྲིལ་བའོ།། དེ་ནི་བག་ཆགས་ཀྱི་སྦུབས་རང་སངས་ཏེ།། སྐད་ཅིག་མ་དང་པོ་ལ་གནས་སོ།། དེའི་དུས་ན་འབྱུང་བ་བཞི་བྲོས་པས། རྟགས་རིམ་པར་འབྱུང་ངོ་།། སྙིང་རྗེ་མེད་པ་ལས་ཀྱི
iiif viewer powered by OpenSeadragon
