| e-texts navigator |
| Wylie |
116a1 གྲོལ་བར་འགྱུར།། དང་པོ་སྣང་བ་ཚུལ་ལ་འཇུག། སྒོ་ལྔའི་རྣམ་ཤེས་དག་ལའོ།། ནང་གི་འབྱུང་བ་འོད་ལ་འདུ།། རྣམ་ཤེས་ལྔ་པོ་དེ་ལྟར་འཇུག། རྩལ་སྣང་བཞི་ལ་འདུས་པ་ནི།། ཚོན་གྱི་གྲུ་གུ་བསྡོག
116a2 པ་བཞིན།། དེ་ཚེ་རླུང་བཞི་རིམ་བཞི་ནས།། སྙིང་རྗེ་མེད་པའི་ལས་ཀྱི་རླུང་།། སྲོག་པ་རྩ་ནས་ལྡང་བར་འགྱུར།། དེ་ཚིག་གནས་ནས་ལམ་དུ་འཇུག། ལམ་ནས་སྒོ་རུ་མྱུར་དུ་འཇུག། སྒོ་ཡི་སྣང་བ་ཆོས་ཉིད་ཀློང་དུ
116a3 འཆར།། ཐུགས་རྗེ་རྒྱུན་གྱི་ཐེག་པ་ཟང་ཐལ་ལ།། ཞོན་ནས་ཡེ་ཤེས་རང་གི་གདངས་ལ་འཇུག། དེ་ཡི་སྐད་ཅིག་དང་པོ་ལའོ།། དེའི་ཚེ་སྐུར་སྣང་ཤེས་རབ་སྐྱེ།། བཞི་བཅུ་རྩ་གཉིས་མངོན་གསལ་བ།། མེ་ལོང་ནང་གི
116a4 གཟུགས་བརྙན་བཞིན།། ཡེ་ཤེས་ལྔ་ལྡན་དགོངས་པ་ཡིན།། གོང་དུ་ཞིབ་པར་བརྗོད་པའི་ཕྱིར།། འདི་རུ་བརྗོད་པར་མི་བྱའོ།། དེ་ལས་མངོན་ཤེས་ཆོས་སྤྱན་ཤར།། སྐུ་གསུམ་རྣམ་པར་བཞག་པ་སྟེ།། ཡི་གེ་དྲུག་པོ
116a5 འོད་ཟེར་འཕྲོ།། སྤྲུལ་པའི་སྐུར་འགྱུར་དོན་རྣམས་བྱེད།། དེ་ཚེ་རྫོགས་ལྡན་དགོངས་པ་རྫོགས།། དེ་ཡི་སྐད་ཅིག་གཉིས་པ་ལའོ།། དེ་ནས་མྱ་ངན་འདས་གྱུར་ཏེ།། བློ་དང་འཁོར་བའི་ཆོས་ཅན་ལས།། འདས་ཏེ་མི
116a6 གནས་ངང་དུ་ཐིམ།། ཡེ་ཤེས་སྤྱན་གཅིག་འགྱུར་མེད་གསལ།། རྫོགས་ལྡན་ཆེན་པོའི་དགོངས་པ་རྫོགས།། དེ་ཡི་སྐད་ཅིག་གསུམ་པའོ།། འབྲིང་གི་འབྲིང་གི་གྲོལ་ཚུལ་ནི།། དང་པོ་ཕྱི་ནང་འཁྲུལ་པ་དག། གཉིས
iiif viewer powered by OpenSeadragon
