| e-texts navigator |
| Wylie |
115b1 དོ་མེད་ཅིང་སྐད་ཅིག་མར།། དེ་ལྟ་ཉིད་དུ་གནས་པ་ཡིན།། རང་བཞིན་དག་པའི་ནམ་མཁའ་ལ།། ཆོས་ཉིད་དག་པའི་ངོ་བོ་གནས།། དེ་ལ་རིག་པ་ཟང་ཐལ་ཤར།། ཤར་བ་མ་ཡིན་གནས་པ་ཡིན།། དཔེར་ན་ནམ
115b2 མཁའ་ཟང་ཐལ་ལ།། ཁང་ཁྱིམ་བྱས་པས་ནམ་མཁའ་གུད་དུ་བཅད།། ཁང་པའི་ནང་གི་ནམ་མཁའ་དང་།། རང་བཞིན་དག་པའི་ནམ་མཁའ་གཉིས།། སྒོ་འམ་མཐོང་ན་སྒྲིབ་མེད་པས།། ནམ་མཁའ་གཉིས་པོ་སྒྲིབ
115b3 མེད་གསལ།། བག་ཆགས་སྦུབས་ཀྱི་རིག་པ་དང་།། མཁའ་ལ་གནས་པའི་རིག་པ་གཉིས།། ཡེ་ཤེས་སྒོ་ཡིས་མཚམས་སྦྱར་ནས།། བག་ཆགས་ལུས་ཀྱིས་མ་བསྒྲིབས་པར།། གཉིས་མེད་ཟང་ཐལ་ཆེན་པོར
115b4 གནས།། རྟོགས་པའི་དོན་ཆེན་དེ་ལྟར་ནི།། སེང་གེའི་མཆོངས་པས་ས་ཆོད་ལྟར།། ཡེ་ཤེས་ཟང་ཐལ་ཆེན་པོ་ཡིས།། བར་དོ་སྐྱེ་འགགས་མི་གནས་པར།། རིན་ཆེན་སྦུབས་ཀྱི་ནང་དུ་གཅོད།། དེ་བས་ཡེ་གྲོལ་ཆེན
115b5 པོར་གནས།། དེ་ལ་རྩིས་གདབ་མི་བྱའོ།། ཇི་ལྟར་དོན་བརྗོད་མི་ཤེས་པ།། དབང་པོ་དམན་པའི་གང་ཟག་ལ།། གྲོལ་ལུགས་རྩིས་གདབ་བྱ་རུ་མེད།། བྱས་ཀྱང་ངེས་པ་མི་རྙེད་པས།། སྐྱེ་བ་གཅིག་གིས་ཐོགས་པར
115b6 བཤད།། དེ་ནས་དེ་ཉིད་འཕྲད་པར་འགྱུར།། འབྲིང་ལ་རབ་འབྲིང་ཐ་མ་གསུམ།། འབྲིང་གི་རབ་དང་འབྲིང་གི་འབྲིང་།། འབྲིང་གི་ཐ་མ་རྣམ་པ་གསུམ།། འབྲིང་གི་རབ་ཀྱི་གྲོལ་ལུགས་ནི།། སྐད་ཅིག་གསུམ་ལ
iiif viewer powered by OpenSeadragon
