| e-texts navigator |
| Wylie |
115a1 བྲལ།། དེ་ནི་འཁོར་བའི་སྡུག་བསྔལ་ལོ།། དུས་ཀྱི་དམར་ཟག་ཆད་པ་ཡིན།། སྐད་ཅིག་དུས་མཐའ་ཟད་པའི་དུས།། དངས་མའི་རང་སྣང་ཤར་བའི་དུས།། རིག་པ་རང་ངོ་རང་གི་ཤེས་པའོ།། འཛིན
115a2 པའི་ཤེས་པ་མེད་པས་ན།། སྣང་བའི་རྐྱེན་གྱིས་བསྐུར་མི་ཚུགས།། རང་སྣང་ཤར་ཀྱང་རང་སར་གྲོལ།། འགྱུ་བ་མི་ཤེས་ཟང་ཐལ་ཡིན།། འོག་འགྱུའི་སྲོག་གཅོད་དང་མ་སངས།། རིག་པ་རང་སར་ཟིན་པ
115a3 ཡིན།། རིག་པ་མ་དང་འཕྲད་དེ་ལྡོག་མི་སྲིད།། སྣང་བ་རང་སྣང་ཉིད་དུ་སྣང་བ་ལ།། རིག་པ་འཛིན་མེད་འཁྲུལ་མི་སྲིད།། སྐུ་གསུམ་ལྷུན་གྱིས་གྲུབ་པ་ལ།། འབྲས་བུ་གཞན་ནས་མི་འཚོལ་རྩོལ་སྒྲུབ་བྲལ།། ལོངས
115a4 སྐུར་བྱོན་ནས་གཞན་དོན་མཐའ་རུ་འབྱུང་།། གཞན་དོན་རྫོགས་ནས་ཆོས་སྐུ་ཉིད་དུ་ཐིམ།། དེ་ཉིད་དུས་ན་གཞན་དོན་གཟུགས་སྐུ་མན་ཆད་ནས།། འཇིག་རྟེན་དག་དང་ཐེག་པའི་མཐའ་རྣམས་བྲལ།། ཞེས་གསུངས
115a5 སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། བར་དོའི་འབྲས་བུས་བསྟན་པའི་ལེའུ་སྟེ་བརྒྱ་དང་བཅུ་གཉིས་པའོ།། །། དེ་ནས་ཡང་གསང་བའི་བདག་པོས་ཞུས་པ།། ཀྱེ་ཀྱེ་བཅོམ་ལྡན་རྡོ་རྗེ་འཆང་།། སྤྱི་ཡི
115a6 བྱེ་བྲག་དེ་ལྟར་ན།། རབ་འབྲིང་ཐ་མའི་གྲོལ་ལུགས་རྣམས།། མ་ནོར་རིམ་པས་གསུང་དུ་གསོལ།། ཞེས་ཞུས་སོ།། སྟོན་པས་བཀའ་སྩལ་པ།། དབང་པོ་ཡང་རབ་གྱུར་པ་ལ།། ཡེ་ནས་ཟང་ཐལ་ཆེན་པོ་པས།། བར
iiif viewer powered by OpenSeadragon
