| e-texts navigator |
| Wylie |
114b1 ཀླུང་མལ་ན་ཉལ་མ་ཉལ།། བླ་རྩ་འཁྱམས་པོ་མེད་ན་འཆི།། དེ་ལྟར་འཆི་ལྟས་བྱུང་ན་ནི།། ཚེ་ཡི་འདུ་བྱེད་བྱེར་བར་འགྱུར།། ཞེས་གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། འཆི་ལྟས་རྒྱས་པར
114b2 བསྟན་པའི་ལེའུ་སྟེ་བརྒྱ་དང་བཅུ་གཅིག་པའོ།། །། དེ་ནས་ཡང་གསང་བའི་བདག་པོས་ཞུས་པ། ཀྱེ་ཀྱེ་བཅོམ་ལྡན་རྡོ་རྗེ་འཆང་།། གང་ཟག་རྟོགས་ཤིང་གོམས་ལྡན་ལ།། བར་དོའི་སྣང་བ་ཇི་ལྟར་འཆར།། དེ
114b3 ཉིད་ཞུས་པའི་ལན་གསུངས་པ།། སྤྱི་དང་བྱེ་བྲག་གཉིས་སུ་བསྟན།། བྱེ་བྲག་དབང་པོ་རབ་འབྲིང་གི། གོ་རིམ་བཞིན་དུ་འཆར་བར་འགྱུར།། རྟོགས་ལྡན་སྤྱི་རུ་འདི་ལྟར་འབྱུང་།། ལུས་སེམས་བྲལ་ཏེ་སྐུ་གསུམ
114b4 འཆར་དུས་སུ།། འཁོར་བའི་ཆུ་བོ་བཞི་ལས་བརྒལ།། སྐྱེ་རྒས་ན་འཆི་བཞི་ཡིན་ནོ།། སྲིད་པའི་ལམ་ཆེན་ལྔ་ལས་བརྒལ།། ཉོན་མོངས་ཆགས་སྡང་རྣམས་ལྔའོ།། སེམས་ཀྱི་རྟེན་ཕུར་ཕྱུང་བ་སྟེ།། བེམ་རིག་བྲལ་བའི
114b5 དུས་ཡིན་ནོ།། མྱ་ངན་ཟང་ཆེན་དག་ལས་བརྒལ།། འཇིག་རྟེན་འདི་ཡི་སྡུག་བསྔལ་ལོ།། ལྷན་ཅིག་སྐྱེས་པའི་གྲོགས་དང་བྲལ།། ལྷན་སྐྱེས་མ་རིག་སངས་པ་ཡིན།། རྟག་པའི་ཡུལ་དང་བྲལ་བར་གྱུར།། འཇིག་རྟེན
114b6 སྣང་བ་འདི་ཉིད་འགགས།། ཡུན་རིང་འགྲོགས་པའི་གྲོགས་དང་བྲལ།། འཇིག་རྟེན་འདི་ཡི་སེམས་ཡིན་ནོ།། འགྱུར་ལྡོག་ཅན་གྱི་བློ་དང་བྲལ།། གཟུང་འཛིན་རྟོག་པ་སྣ་ཚོགས་སོ།། རྟག་ཏུ་ན་བའི་ནད་དང
iiif viewer powered by OpenSeadragon
