| e-texts navigator |
| Wylie |
113a1 ངེས་པའི་དོན་འདི་ཟུང་།། འཇིག་རྟེན་འཁྲུལ་པའི་སྣང་བ་འདི།། དང་པོ་རང་ལས་ཤར་བའི་ཕྱིར།། མཐའ་མར་རང་གི་ངང་དུ་གྲོལ།། གང་བསྟན་རང་ཤར་རང་གྲོལ་བཞིན།། སྣང་བ་སེམས་ཀྱི་དབང
113a2 དུ་འདུས།། གཟུང་བར་བྱ་བའི་ཡུལ་དང་བྲལ།། སེམས་རྟོགས་ཡེ་ཤེས་དབང་འདུས་པས།། འཛིན་པར་བྱེད་པའི་སེམས་དང་བྲལ།། གཟུང་འཛིན་བྲལ་བའི་རིག་པ་ལ།། ཡེ་ཤེས་རང་དང་ས་འོད་གསལ་བ།། མཁའ
113a3 ལ་འཇའ་ཚོན་གསལ་བ་ལྟར།། ཆོས་ཉིད་ཀློང་ན་ཡེ་ཤེས་གསལ།། མཐའ་དབུས་མེད་པར་ཀུན་ཏུ་ཁྱབ།། དེ་ཚེ་ཤེས་པ་དེ་ལ་འཇུག། དངས་མའི་འབྱུང་བ་རྣམ་པ་ལྔ།། ཆོས་ཉིད་ངོ་བོ་ཉིད་ལ་ཤར།། དེ་ལ་སྣང་བའི
113a4 འབྱུང་བ་ལྔ།། རང་རང་ངང་དུ་དག་ཅིང་ཐིམ།། འབྱུང་བའི་སྐབས་སུ་བསྟན་པ་ཡིན།། དང་པོ་ས་ལ་ས་ཐིམ་པས།། ལུས་ལྕི་ཤེས་པ་འགྲིབ་པ་ཡིན།། དེ་ནས་ཆུ་ལ་ཆུ་ཐིམས་པས།། ལུས་པོ་ཁ་སྣ་སྐམ་པ་ཡིན།། དེ
113a5 ནས་རླུང་ལ་རླུང་ཐིམ་པས།། ལུས་དང་ཤེས་པ་ལྗི་ཞིང་བྱིངས།། དེ་ཚེ་མེ་ལ་མེ་ཐིམ་པས།། ལུས་ནི་དྲོད་དང་བྲལ་བ་ཡིན།། རྣམ་ཤེས་ནམ་མཁའི་ངང་དུ་ཐིམ།། ཚོར་བ་བདེ་སྡུག་རྣམ་རྟོག་བྲལ།། ཁྱབ་པ་མེད་པའི
113a6 གདངས་ལ་གནས།། ཆོས་ཉིད་རང་གི་ངོ་བོ་ལྔ།། ཐིག་ལེ་ལྔ་ཡི་བདག་ཉིད་ཅན།། རང་བཞིན་དག་པའི་ནམ་མཁའ་དང་།། གཉིས་མིན་གཅིག་མིན་དོན་གྱིས་གནས།། ཅི་ཡི་ཕྱིར་ན་ལོགས་ན་མེད།། བག་དང་མ
iiif viewer powered by OpenSeadragon
