| e-texts navigator |
| Wylie |
112b1 པའི་ཕོ་བྲང་བྱས་སྐད་དོ།། གོང་མ་ལ་མཆོད་ཁང་བྱས་ཏེ་བཞུགས་སྐད། དེ་ནས་མར་གཟིགས་པས་རླུང་ཅན་གྱི་གྲོང་ན། བློན་པོ་ཀུན་བྱེད་བྱ་བ་འདུག་པ་མཐོང་ངོ་།། དེར་བྱོན་ནས་བློན་པོར་བསྐོས་སོ།། རྒྱལ་བློན
112b2 འཁྲུགས་པར་གྱུར་སྐད་དོ།། དེ་ནས་བློན་པོས་བསྐྱོད་པ་ཤུགས་ཀྱི་རྟ་ལ་ཞོན་ནས། ཀུན་ཏུ་རྒྱུའི་སྲང་དུ་ཕྱིན་ཏེ། འཐབ་རྩོད་ཀྱི་སྒོ་གསུམ་དུ་བྱོན་ཏེ། རིན་པོ་ཆེ་རྣམ་པ་ལྔ་བཙལ་ནས། རྒྱལ་པོ་ལ་དཔྱ་ཕུལ་བས།
112b3 རྒྱལ་པོ་མཉེས་པ་དང་ཚིམས་པར་མ་གྱུར་ཏེ། དམངས་དང་བློན་པོ་ཡི་མུག་ག་ཆད་ནས། རྒྱལ་བློན་འཐབ་པས། རྒྱལ་པོས་བློན་པོ་ལ་ཆབ་བསལ། འབངས་ཆམ་ལ་ཕབས་ནས། རྒྱལ་བློན་བྲལ་བས་མཆོད་པ་རྒྱུན
112b4 ཆད་དེ། རྒྱལ་པོ་ཕོ་བྲང་དུ་བསྐྱོད་དེ། འཐབ་ཟླ་མེད་པས་ཤིན་ཏུ་སོ་བསོད་དོ་སྐད། ཛྙཱ་ན་ཙིཏྟ་པྲ་བེ་ཤ་ཡ་ས་དུ་ཨ་ཧཱ་ཀཱ་ལ། ཞེས་གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། སེམས་དང་ཡེ་ཤེས་དབྱེ
112b5 བ་བསྟན་པའི་ལེའུ་སྟེ་བརྒྱ་དང་དགུ་པའོ།། །། དེ་ནས་ཡང་གསང་བའི་བདག་པོས་ཞུས་པ།། ཀྱེ་ཀྱེ་བཅོམ་ལྡན་རྡོ་རྗེ་འཆང་།། གང་གསུངས་དོན་རྣམས་རྟོགས་པ་ཡིས།། འཁྲུལ་པའི་སྣང་བ་ཇི་ལྟར
112b6 འགགས།། ཡེ་ཤེས་སྣང་བ་ཇི་ལྟར་འཆར།། རང་རིག་ཤེས་པ་ཇི་ལྟར་འཇུག། རྟགས་ཀྱི་ཤེས་པ་ཇི་ལྟར་འབྱུང་།། རབ་འབྲིང་གྲོལ་ལུགས་ཇི་ལྟར་ལགས།། ཞེས་ཞུས་སོ།། སྟོན་པས་བཀའ་སྩལ་པ།། གསང་བདག
iiif viewer powered by OpenSeadragon
