| e-texts navigator |
| Wylie |
111b1 ལས་ཀྱི་འཕྲོ་མཐུད་པའོ།། ཞེས་གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། བར་དོ་བཞི་བསྟན་པའི་ལེའུ་སྟེ་བརྒྱ་དང་བརྒྱད་པའོ།། །། དེ་ནས་ཡང་གསང་བའི་བདག་པོས་ཞུས་པ།། ཀྱེ་ཀྱེ་བཅོམ
111b2 ལྡན་རྡོ་རྗེ་འཆང་།། ཆོས་ཉིད་བར་དོར་གྲོལ་བའི་ཐབས།། སེམས་དང་ཡེ་ཤེས་ཇི་ལྟར་དབྱེ།། ཞེས་ཞུས་སོ།། སྟོན་པས་བཀའ་སྩལ་པ། རྡོ་རྗེ་འཛིན་པ་ངེས་པར་ཟུང་ཞིག། སེམས་དང་ཡེ་ཤེས་རྣམ་པ
111b3 གཉིས།། གཅིག་མིན་ཐ་དད་མ་ཡིན་ཏེ།། དབྱེ་བ་རབ་ཏུ་དཀའ་བའི་ཆོས།། སེམས་ཉིད་ཡེ་ཤེས་རྩལ་ཡིན་ཏེ།། སེམས་ཀྱི་གཞི་མ་ཡེ་ཤེས་ཡིན།། དེ་ལ་སེམས་དང་ཡེ་ཤེས་གཉིས།། གཅིག་པ་དང་ནི་ཐ་དད
111b4 པས།། གྲོལ་དང་མ་གྲོལ་ཞེས་བྱའོ།། སེམས་དང་ཡེ་ཤེས་དབྱེ་བ་ནི།། ངོ་བོའི་སྒོ་ནས་དབྱེ་བ་དང་།། གནས་ཀྱི་སྒོ་ནས་དབྱེ་བ་དང་།། ལམ་གྱི་སྒོ་ནས་དབྱེ་བ་དང་།། འབྱུང་བའི་སྒོ་ནས་དབྱེ་བ་དང་།། སྐྱོན་ཡོན་སོ
111b5 སོའི་སྒོ་ནས་དབྱེ་བའོ།། དེ་ལ་ཡེ་ཤེས་ངོ་བོ་ནི།། རང་བཞིན་རྣམ་པར་དག་པ་ཆོས་ཀྱི་སྐུ།། འདུག་ཚུལ་འོད་དུ་འདུག་པས་གཟུགས་ཀྱི་སྐུ།། སྣང་ཚུལ་ཕྱི་ནང་མེད་པས་ཡེ་ཤེས་ཟང་ཐལ་ཡིན།། སྐུ་གསུམ་དབྱེ་མེད
111b6 དངོས་པོའི་སྒྲིབ་ལས་འདས།། ཞིབ་ཏུ་གོང་བཤད་འདིར་ནི་མ་བརྗོད་དོ།། སེམས་ཀྱི་ངོ་བོ་བསྟན་པ་ནི།། སྦུབས་དང་བཅས་པའི་གཟུང་འཛིན་ཡིན།། སེམས་དང་ཡེ་ཤེས་གནས་བསྟན་པ།། ཡེ་ཤེས་ཆེན་པོའི
iiif viewer powered by OpenSeadragon
