| e-texts navigator |
| Wylie |
111a1 པར་ཉོན་ཅིག། བར་དོ་རྣམ་པ་བཞི་པོ་ནི།། རང་བཞིན་དག་པའི་བར་དོ་དང་།། ཏིང་ངེ་འཛིན་གྱི་བར་དོ་དང་།། ཆོས་ཉིད་འོད་གསལ་གྱི་བར་དོ་དང་།། སྲིད་པའི་བར་དོ་དང་རྣམ་པ་བཞིའོ།། དེ་ལ
111a2 རང་བཞིན་བར་དོ་ནི།། ད་ལྟའི་འཁྲུལ་སྣང་འདི་ཉིད་ཡིན།། ཏིང་ངེ་འཛིན་གྱི་བར་དོ་ནི།། ལས་སུ་མ་རུངས་བསྒོམ་དུས་ཡིན།། ཆོས་ཉིད་པར་དོ་ཞེས་བྱ་བ།། འཁྲུལ་སྣང་འགགས་ནས་ཞག་ལྔའི་བར།། རང་རིག་ཡེ
111a3 ཤེས་འོད་དུ་ཤར།། འོད་ལ་གནས་པ་བར་དོ་ཡིན།། སྲིད་པའི་བར་དོ་ཞེས་བྱ་བ།། ཆོས་ཉིད་འོད་གསལ་སྣང་བ་ཡང་།། རྟོགས་པའི་ཤེས་རབ་མ་སྐྱེས་པས།། སྔ་ནས་ཡེ་ཤེས་བག་ལ་ཞ།། སྔར་གྱི་བག་ཆགས་སྣང
111a4 བ་ཤར།། དབང་པོ་ཀུན་ཚང་ཐོགས་མེད་ལྡན།། སྲིད་པའི་ཤ་གཟུགས་སྔོན་དུ་ཤར།། རང་དང་རིགས་མཐུན་ལྷ་མིག་མཐོང་།། ལུས་དང་འདུག་ས་ཚོལ་བར་བྱེད།། ངོ་བོ་དབྱེ་བར་བཅས་པའོ།། ངེས་པའི་དོན་ལ་མི
111a5 གནས་པས།། རང་ས་མ་ཟིན་པར་དོ་ཡིན།། ངེས་པའི་གཏན་ཚིགས་ཞེས་བྱའོ།། དཔེར་ན་འཇིག་རྟེན་དོན་གཉེར་བ།། འགྲོ་སར་མ་ཕྱིན་ཞག་ས་བཞིན།། རང་བཞིན་གནས་པའི་བར་དོ་ལ།། རྒྱུད་ལུང་ཀུན་གྱི་ཁོག།
111a6 དགྲོལ་ཏེ།། ངོ་སྤྱོད་བདུན་གྱིས་གཏན་ལ་ཕབ།། རང་རིག་ལྟ་བས་ཟག་ཆོད་པའོ།། ཏིང་འཛིན་པར་དོ་གསལ་བར་བྱ།། ཆོས་ཉིད་བར་དོ་ཡེ་ཤེས་ངོས་བཟུང་བའོ།། གལ་ཏེ་དེ་ལྟར་མ་གྱུར་པས།། སྲིད་པའི་བར་དོ
iiif viewer powered by OpenSeadragon
