| e-texts navigator |
| Wylie |
110b1 ནི།། རིག་པ་མཚན་ཉིད་ལྔར་སྣང་བས།། རང་བྱུང་ཡེ་ཤེས་འོད་དུ་གསལ།། དེ་ལས་གཟུང་འཛིན་རྟོག་འགྱུས་པས།། འོད་དེ་ལུས་ཀྱི་རྟེན་དུ་གྱུར།། ཐུགས་རྗེ་རྩལ་གྱི་འཆར་ལུགས་ལ།། དེ་ནི་འཁྲུལ་པའི་སེམས
110b2 ཅན་ལའོ།། ཐུགས་རྗེ་སྦྲུལ་སྐུའི་འཆར་ལུགས་ནི།། ལོངས་སྐུ་ཡབ་ཡུམ་ཞལ་བར་ནས།། ཡི་གེ་དྲུག་པ་འོད་དུ་འཕྲོ་བའོ།། སྲིད་པ་བཞི་ཡི་འཛིན་ལུགས་ནི།། དང་པོ་བག་ཆགས་ལུས་འདི་ལ།། བརྟགས་ནས་སྲིད་པ
110b3 གཟུང་བའོ།། དེ་ནས་ལུས་བྱིངས་བསྐྱེད་པའོ།། མིག་གཉིས་དག་ནས་རྩ་གཉིས་ཤར།། དེ་ལས་རྩ་ཡི་མདུད་པར་གྱུར།། དེ་ལས་ལུས་བསྐྱེད་རྩ་ཡིས་ཡན་ལག་རྒྱས།། དེ་ཡི་ནང་དུ་ཙིཏྟ་དང་།། གློ་བ་ལ་སོགས་ནང
110b4 ཁྲོལ་རྣམས།། དོན་སྙིང་སོ་སོར་རྫོགས་པར་འགྱུར།། སྡུད་བྱེད་ལུས་ཀྱི་ཆགས་ལུགས་ཡིན།། ལུས་བྱིངས་བསྐྱེད་རྫོགས་གཡོ་བར་བྱེད།། ནང་གི་བཅུད་ཀྱི་ཆགས་ལུགས་ནི།། མ་བུའི་ལྟེ་བ་གཉིས་འབྲེལ་ཏེ།། ལྟེ
110b5 བས་ནང་ནས་བསྐྱེད་པར་བྱེད།། དེ་ཡིས་སྟོབས་དང་གཟི་མདངས་འཕེལ།། ཞེས་གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། ཆགས་ལུགས་བཞི་བསྟན་པའི་ལེའུ་སྟེ་བརྒྱ་དང་བདུན་པའོ།། །། དེ
110b6 ནས་ཡང་གསང་བའི་བདག་པོས་ཞུས་པ། ཀྱེ་ཀྱེ་བཅོམ་ལྡན་རྡོ་རྗེ་འཆང་།། རྒྱུད་ལུང་ཀུན་ནས་གསུངས་པ་ཡི།། བར་དོ་རྣམ་བཞི་གསུང་དུ་གསོལ།། ཞེས་ཞུས་སོ།། སྟོན་པས་བཀའ་སྩལ་པ།། རིགས་ཀྱི་བུ་ལེགས
iiif viewer powered by OpenSeadragon
