| e-texts navigator |
| Wylie |
110a1 ཡིན།། དག་པ་འཇིག་རྟེན་པའི་སྣང་བ་བཅུ་ནི་བྱང་ཆུབ་སེམས།། ཡང་དག་ཡེ་ཤེས་སྣང་བ་བཞི་པོ་གོང་དང་མཚུངས།། སྣང་བའི་དབྱེ་བ་རྒྱས་བསྡུས་བསྟན་པའོ།། སྣང་བའི་ངོ་བོ་བསྟན་པ་ནི།། དབྱེ
110a2 བ་གོང་ནས་ཤེས་པར་གྱིས།། འོག་ཏུ་ཟུར་ཙམ་བརྗོད་མི་ལང་།། ཡང་དག་ངེས་པའི་ངོ་བོ་ནི།། ཆོས་ཉིད་གདངས་དང་སྣང་བ་དག་གི་ངེས་ཚིག་ནི།། འགག་མེད་ཡུལ་དུ་མཐོང་བས་སྣང་བར་བཏགས།། དཔེ་ནི་དབྱེ
110a3 བའི་ཁོག་ཏུ་བསྟན།། འདི་རུ་ངེས་པའི་དཔེ་བསྟན་པ།། ཉི་མ་དག་ལས་ཟེར་སྣང་དང་།། མར་མེ་ལ་སོགས་སྣང་འོད་བཞིན།། སྣང་ཞིང་རང་གི་གདངས་ལ་ཞུགས།། དེ་བཞིན་ཡེ་ཤེས་ཆེན་པོ་ལས།། ཡེ་ཤེས་རང
110a4 གདངས་ཟང་ཐལ་སྣང་།། ཡེ་ཤེས་རང་གི་གདངས་ལ་ཞུགས།། ཆོས་ཉིད་དག་པའི་དཔེ་བསྟན་པ།། མེ་ལོང་ལ་སོགས་བཞིན་སྣང་བཞིན།། གོང་དུ་བཤད་པས་འདིར་མ་བརྗོད།། བསྡུས་པས་གནས་པའི་ཡུལ་མ
110a5 ཡིན།། ཞེས་གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། སྣང་བའི་དོན་བསྡུས་གསལ་བར་བསྟན་པའི་ལེའུ་སྟེ་བརྒྱ་དང་དྲུག་པའོ།། །། དེ་ནས་ཡང་གསང་བའི་བདག་པོས་ཞུས་པ། ཀྱེ་ཀྱེ་བཅོམ
110a6 ལྡན་རྡོ་རྗེ་འཆང་།། སྣང་བ་དེ་ལ་གནས་པ་ཡི།། འཆར་ལུགས་བཞི་པོ་ཇི་ལྟར་ལགས།། ཞེས་ཞུས་སོ།། སྟོན་པས་བཀའ་སྩལ་པ། ལག་ན་རྡོ་རྗེ་ལེགས་པར་ཟུང་ཞིག། དང་པོ་ཐུགས་རྗེ་རྩལ་གྱི་འཆར་ལུགས
iiif viewer powered by OpenSeadragon
