| e-texts navigator |
| Wylie |
10b1 བཅོམ་ལྡན་འདས་རྡོ་རྗེ་འཆང་ཆེན་པོ་ཚིག་དོན་གསལ་བའི་ཏིང་ངེ་འཛིན་ལ་སྙོམས་པར་ཞུགས་སོ།། དེ་ནས་ཡང་གསང་བའི་བདག་པོས་ཞུས་པ། ཀྱེ་ཀྱེ་བཅོམ་ལྡན་རྡོ་རྗེ་འཆང་། དེ་ཡི་བརྗོད་ཚིག་ངོས་བཟུང
10b2 གསུང་དུ་གསོལ། ཞེས་ཞུས་སོ།། ཡང་སྟོན་པས་གསུངས་པ། ངས་བསྟན་རྒྱུད་ལུང་ཐམས་ཅད་ནས། གཞི་ཡི་ཚིག་ཚོགས་མང་གིས་ཀྱང་།། མདོར་བསྡུས་ངས་བཤད་ཁྱོད་ཀྱིས་ཉོན།། འཁོར་འདས་ཀྱི་ཆོས་ཐམས
10b3 ཅད་ཀྱི་ངོ་བོར་གྱུར་པས་ན། ངོ་བོ་ཉིད་ཀྱི་སྐུའོ།། དེ་རང་སྣང་ཡིན་པས་ན། ངོ་བོ་ཉིད་ཀྱི་སྣང་བའོ།། དེ་ཡང་རང་གདངས་ཆེན་པོ་མི་འགག་པས་སྣང་བ་ཆེན་པོའོ།། འཁོར་འདས་ཀྱི་ཐ་སྙད་ལས་གྲོལ་བས་ཆོས་ཀྱི
10b4 སྐུའོ།། ཡོན་ཏན་དུས་ཕྱིས་འབྲས་བུ་ཆོས་སྐུར་གསལ་བས། འབྲས་བུའི་མིང་རྒྱུ་ལ་བཏགས་པས་ཆོས་ཀྱི་སྐུའོ།། མ་རིག་པ་དང་བེམ་པོ་ལས་ལོག་སྟེ། ཡང་དག་པའི་ཤེས་པའི་ངོ་བོར་གནས་པ་ནི་རིག་པའོ།། རྒྱུ
10b5 རྐྱེན་ལས་འདས་པས་རང་བྱུང་ངོ་།། གློ་བུར་དུ་བྱུང་བ་མིན་ཏེ། ཡེ་ནས་གནས་པའི་རིག་པའི་བདག་ཉིད་དུ་གྱུར་པས་ན་ཡེ་ཤེས་སོ།། རང་སྣང་ལས་གཞན་སྣང་མེད་ཅིང་ངོ་བོ་མི་འགྱུར་བས་ན། སྣང་བ་རང་སྣང
10b6 པོར་གསལ་བའི་ཐིག་ལེ་ཉག་གཅིག་གོ། དེའི་གོང་ན་གཞན་མེད་པས་ཆེན་པོའོ།། དེ་བས་སྔ་བ་གཞན་མེད་པས་སྔོན་བྱུང་ངོ་།། ཐམས་ཅད་དེ་ལས་ཤར་ཅིང་སྣང་བས་ཀུན་བྱེད་དོ།། འཁོར་འདས་ཐམས་ཅད
iiif viewer powered by OpenSeadragon
