| e-texts navigator |
| Wylie |
109b1 བག་ཆགས་ཡིན།། རྒྱུ་འབྲས་བློ་ཡི་སྣང་བ་བཅུ།། མུ་སྟེགས་རྟག་པའི་སྣང་བ་ཡང་།། རྟག་པའི་དངོས་ལས་གཞན་མི་སྣང་།། མུ་སྟེགས་ཆད་པའི་སྣང་བ་ཡང་།། འདི་ཡོད་ཕྱི་མ་མེད་པ་སྟེ།། སྣང་འདི་གློ་བུར་བྱུང་བ
109b2 དང་།། ཞིག་པས་འབྱུང་ལྔའི་ངང་དུ་ཞ།། ཆད་པར་སྣང་ལས་གཞན་མི་སྣང་།། ཉན་ཐོས་གཡག་རྔ་ནེའུ་སེང་དང་།། གོང་བུ་ཆ་ཤས་མེད་པ་ལྟར།། གཟུང་འཛིན་ཆོས་ཀྱི་བདག་ཏུ་འཛིན།། རང་རྒྱལ་གོང་མཐུན
109b3 ཕྱོགས་གཅིག་སྟོང་།། ཕུང་པོ་ཁམས་ལ་ཕྱོགས་གཅིག་བདག་མེད་པ།། མདོ་སྡེ་དོན་དམ་སྟོང་པ་ཉིད།། ཀུན་རྫོབ་སྒྱུ་མ་ཙམ་དུ་སྣང་།། གསང་སྔགས་ཕྱི་ནང་གཉིས་ཀ་ཡང་།། དོན་དམ་མདོ་སྡེ་མཐུན་པ་ལ།། ཀུན
109b4 རྫོབ་སྣང་བ་སོ་སོར་མཐོང་།། ཀྲི་ཡས་རིགས་གསུམ་རྗེ་ཁོ་ལ་མཐོང་།། ཨུ་པས་ལྷ་དང་དཔོན་གཡོག་མཐོང་།། ཡོ་གས་སྤུན་དང་གྲོགས་པོར་མཐོང་།། མ་ཧཱས་ཕུང་པོ་ལྷར་སྣང་མཐོང་།། ཨ་ནུས་དབྱིངས་དང་ཡེ
109b5 ཤེས་མཐོང་།། ཀུན་གྱིས་རྒྱུ་འབྲས་མི་སྤངས་ཤིང་།། དངོས་པོ་མི་བདེན་བློ་ལ་སྣང་།། རྒྱུ་འབྲས་བློ་ཡི་སྣང་བ་ཡིན།། རྟོགས་ལྡན་དོན་གྱི་སྣང་བ་ནི།། རྫོགས་ཆེན་རྟོགས་པའི་སྣང་བ་ཡིན།། ཐམས་ཅད་ཆོས་སྤུའི
109b6 ངོ་བོ་མཐོང་།། ཀུན་ཏུ་བཟང་པོའི་སྣང་བ་ཡིན།། གོང་མ་དང་མཚུངས་གཉིས་མེད་སྣང་།། ཐོག་མའི་གཞི་སྣང་འདུག་ཚུལ་ཡིན།། བསྡུས་པའི་སྣང་བ་རྣམ་པ་གསུམ།། མ་དག་འཁྲུལ་སྣང་གོང་བསྟན་རིགས་དྲུག
iiif viewer powered by OpenSeadragon
