| e-texts navigator |
| Wylie |
109a1 བྲག་གསུངས་པ་རྣམས།། དེ་ཡི་དོན་བཤད་གསུང་དུ་གསོལ།། ཞེས་ཞུས་སོ།། སྟོན་པས་བཀའ་སྩལ་པ།། རྡོ་རྗེ་འཛིན་པ་ལེགས་པར་ཟུང་ཞིག། སྣང་བའི་ངོ་བོ་ངེས་ཚིག་དང་།། དབྱེ་བ་སོ་སོའི་དང
109a2 རུ་བསྟན།། དང་པོ་དབྱེ་བ་རྒྱས་བསྡུས་གཉིས།། རྒྱས་པ་ལ་ཡང་རྣམ་པ་བཞི།། འགྲོ་དྲུག་ཞེན་པའི་སྣང་བ་དྲུག། རྒྱུ་འབྲས་བློ་ཡི་སྣང་བ་བཅུ།། རྟོགས་ལྡན་དོན་གྱི་སྣང་བ་གཅིག། དབྱེར་མེད་ཀུན་ཏུ་བཟང་པོའི
109a3 སྣང་བ་བཞི།། བསྡུས་པའི་སྣང་བ་རྣམ་པ་གསུམ།། མ་དག་འཁྲུལ་པའི་སྣང་བ་དང་།། དག་པ་འཇིག་རྟེན་པའི་སྣང་བ་དང་།། ཡང་དག་པ་ཡེ་ཤེས་ཀྱི་སྣང་བའོ།། དང་པོ་སྣང་བ་རྒྱས་བཤད་པ།། འགྲོ་དྲུག་ཞེན་པའི
109a4 སྣང་བ་དྲུག། ཤེས་བྱའི་དཀྱིལ་འཁོར་མ་འགགས་པས།། སྣང་བའི་དངོས་པོ་འདི་ཉིད་ལ།། དམྱལ་བས་ཚ་གྲངས་གཉིས་སུ་མཐོང་།། ཡི་དྭགས་གསུམ་ལ་སྣང་བ་གསུམ།། ཕྱི་ནང་སྤྱི་མཐུན་སྣང་བའོ།། ཕྱི་ཡིས་ཟས
109a5 ལ་རྣག་ཁྲག་དང་།། གོས་ལ་ཚེར་མ་ལྟ་བུའོ།། གཅིག་ལ་ཟས་སྣང་སྲུང་མས་བསྲུང་།། གཅིག་ལ་སྲུང་མེད་ཟོས་པ་དུག། དེ་བཞིན་ཡི་དྭགས་གསུམ་དུ་སྣང་།། བྱོལ་སོང་གཉིས་ལ་སྣང་བ་གཉིས།། བྱིངས་ན་གནས
109a6 པས་མུན་པ་སྟེ།། ཁ་འཐོར་གནས་པས་གྱེན་ཐུར་སྣང་།། མི་ལ་མཐུན་སྣང་འདི་ཉིད་སྟེ།། རང་རང་ཡུལ་མི་ཁྱིམ་ཚེས་སོགས།། ལྷ་མ་ཡིན་ལ་གོ་མཚོན་སྣང་།། ལྷ་ལ་རིན་ཆེན་བདུད་རྩིར་སྣང་།། བློ་སྣང་ཞེན་པའི
iiif viewer powered by OpenSeadragon
