| e-texts navigator |
| Wylie |
108b1 མེད།། འགག་མེད་ཀུན་གསལ་ཡེ་ཤེས་སྐུ།། ཕྱོགས་གཅིག་མཚན་མ་མན་ཤེལ་བཞིན།། ཞིབ་ཏུ་གོང་བསྟན་གཞི་སྣང་བཞིན།། རིན་ཆེན་སྦུབས་ཞེས་ཆོས་སྐུ་ཡིན།། བར་པའི་མཚན་ཉིད་བསྟན་པ་ནི།། འགག་མེད
108b2 ཡེ་ཤེས་འོད་ཀྱི་སྐུ།། སུམ་ཅུ་རྩ་གཉིས་མཚན་འཆང་བ།། ཚོམ་བུའི་དཀྱིལ་འཁོར་ཆེན་པོ་ལྔ།། གསལ་མཚེར་ལྷུན་སྡུག་གཟི་བརྗིད་འབར།། འོད་ཀྱི་སྦུབས་དེ་ལོངས་སྐུ་ཡིན།། ཐ་མའི་མཚན་ཉིད་བསྟན་པ
108b3 ནི།། བག་ཆགས་རྣམ་བཞི་ཡོངས་རྫོགས་པ།། ཕུང་པོ་ཁམས་དང་སྐྱེ་མཆེད་བཅས།། ཚོགས་བརྒྱད་སེམས་དང་བཅས་པ་ནི།། བག་ཆགས་སྦུབས་སུ་ང་ཡིས་བསྟན།། དེ་ལ་སྦུབས་གསུམ་ངོ་བོ་ནི།། གོང་བསྟན་སྐུ
108b4 གསུམ་ཡིན་པར་བཤད།། སྦུབས་ཞེས་བྱ་བའི་གཏན་ཚིགས་ནི།། ཞུགས་པའི་རྟེན་དུ་གྱུར་པ་ཡིན།། སྦུབས་ཞེས་བྱ་བའི་བརྗོད་ཚིག་ནི།། སོ་སོའི་ངེས་ཚིག་བསྟན་པ་ཡིན།། ཡོན་ཏན་ཀུན་འབྱུང་རིན་ཆེན
108b5 སྦུབས།། སྣང་ལ་རང་བཞིན་མེད་པ་འོད་ཀྱི་སྦུབས།། ཆུ་ཟླ་མེ་ལོང་གཟུགས་བརྙན་དང་།། འཇའ་ཚོན་ལྟ་བུའི་དཔེ་ཡིས་བསྟན།། རྣམ་རྟོག་མཐུ་བརྟས་བག་ཆགས་སྦུབས།། ཞེས་གསུངས་སོ།། སྤྲོས་བྲལ་དོན
108b6 གསལ་ཆེན་པོའི་རྒྱུད་ལས། སྦུབས་བསྟན་པའི་ལེའུ་སྟེ་བརྒྱ་དང་ལྔ་པའོ།། །། དེ་ནས་ཡང་གསང་བའི་བདག་པོས་ཞུས་པ།། ཀྱེ་ཀྱེ་བཅོམ་ལྡན་རྡོ་རྗེ་འཆང་།། སྟོན་པས་གསུངས་པའི་རྒྱུད་ལུང་དུ།། སྣང་བའི་བྱེ
iiif viewer powered by OpenSeadragon
