| e-texts navigator |
| Wylie |
107b1 བཞག་པ་ཡིན།། སྙིང་པོ་ཡེ་ནས་སངས་རྒྱས་པས།། རྩོལ་བའི་བསམ་པས་དབྱིངས་མི་བསྐྱོད།། བསམ་གཏན་ཏིང་འཛིན་སངས་རྒྱས་སྐུ་ལ་བསྒྲིབས།། སངས་རྒྱས་སྐུ་ནི་མ་སྒྲིབས་ཀུན་ཏུ་གསལ།། ལྷུན་གྲུབ་ཆེན
107b2 པོར་མ་རྟོགས་པ།། ངེས་པའི་ཕ་རོལ་ཕྱིན་པ་མིན།། ཡང་དག་ངེས་པའི་དོན་ཆེན་དེ།། ངོ་བོ་ནམ་མཁའ་ལྟ་བུ་ལ།། ཡོན་ཏན་སྣང་བ་ཕྱོགས་མེད་ཤར།། ཤར་ཡང་རང་རིག་རྣམ་པར་དག། དེ་ཉིད་སྦྱིན་པའི་ཕ་རོལ
107b3 ཕྱིན།། དྲི་མེད་རྣམ་དག་ཚུལ་ཁྲིམས་ཕ་རོལ་ཕྱིན།། འགྲན་ཟླ་མེད་པས་བཟོད་པའི་ཕ་རོལ་ཕྱིན།། བརྗེད་པ་མེད་པས་བརྩོན་འགྲུས་ཕ་རོལ་ཕྱིན།། གཡོ་བ་མེད་པས་བསམ་གཏན་ཕ་རོལ་ཕྱིན།། འགག་པ་མེད་པས
107b4 ཤེས་རབ་ཕ་རོལ་ཕྱིན།། གཏི་མུག་མ་རིག་མེད་པས་དེ་བཞིན་ནོ།། བྱ་རྩོལ་མི་མངའ་ཐབས་ཀྱི་ཕ་རོལ་ཕྱིན།། སྐད་ཅིག་སྤྱོད་པས་སྟོབས་ཀྱི་ཕ་རོལ་ཕྱིན།། ཡོན་ཏན་རང་ལ་རྫོགས་པས་སྨོན་ལམ་ཕ་རོལ
107b5 ཕྱིན།། གཞི་གནས་ཡེ་ཤེས་ཡིན་པས་ཡེ་ཤེས་ཕ་རོལ་ཕྱིན།། ཞེས་གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། ཕ་རོལ་ཏུ་ཕྱིན་པ་བཅུའི་སྤྱོད་པའི་ལམ་གཞི་རྫོགས་སུ་བསྟན་པའི་ལེའུ་སྟེ་བརྒྱ་དང
107b6 གསུམ་པའོ།། །། དེ་ནས་ཡང་གསང་བའི་བདག་པོས་ཞུས་པ། ཀྱེ་ཀྱེ་བཅོམ་ལྡན་རྡོ་རྗེ་འཆང་།། དོན་གྱིས་ཕ་རོལ་ཕྱིན་པ་བཅུ།། དེ་ཡི་དོན་བཤད་ཇི་ལྟར་ལགས།། ཞེས་ཞུས་སོ།། སྟོན་པས་བཀའ་སྩལ་པ། རྡོ
iiif viewer powered by OpenSeadragon
