| e-texts navigator |
| Wylie |
107a1 འབྲས་བུ་ངེས་པའི་ལམ་ལྔ་བསྟན་པའི་ལེའུ་སྟེ་བརྒྱ་དང་གཅིག་པའོ།། །། དེ་ནས་ཡང་གསང་བའི་བདག་པོས་ཞུས་པ། ཀྱེ་ཀྱེ་བཅོམ་ལྡན་རྡོ་རྗེ་འཆང་།། ལམ་གྱི་དོན་བཤད་གསུང་དུ
107a2 གསོལ།། ཞེས་ཞུས་སོ།། སྟོན་པས་བཀའ་སྩལ་པ།། གསང་བའི་བདག་པོ་ངེས་ཟུང་ཞིག། ལམ་གྱི་ངོ་བོ་ངེས་ཚིག་དང་།། དབྱེ་བ་མཐུན་པའི་དཔེ་རུ་བཤད།། ངས་བསྟན་ལམ་གྱི་ངོ་བོ་ནི།། འདུ་འབྲལ་མེད་པའི
107a3 རྣལ་འབྱོར་ཡིན།། ལམ་གྱི་ངེས་ཚིག་བསྟན་པ་ནི།། གཞན་དུ་བགྲོད་ཅིང་འཇུག་ཏུ་མེད།། མི་འབྲལ་གནས་པས་ལམ་ཞེས་བྱ།། དབྱེ་བ་རྣམ་པ་གཉིས་ཡིན་ཏེ།། རྒྱུ་ཡི་ལམ་དང་འབྲས་བུ་ངེས་པའི་ལམ།། དཔེ་ནི།
107a4 འཇིག་རྟེན་ལམ་དང་འདྲ།། རྩོལ་བྲལ་ལམ་གྱི་མཚོན་དཔེ་ནི།། མཁའ་ལ་ཁྱུད་ཆེན་ལྡིང་བ་འདྲ།། ཞེས་གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། ལམ་གྱི་དོན་བཤད་བསྟན་པའི་ལེའུ་སྟེ་བརྒྱ་དང
107a5 གཉིས་པའོ།། །། དེ་ནས་ཡང་གསང་བའི་བདག་པོས་ཞུས་པ། ཀྱེ་ཀྱེ་བཅོམ་ལྡན་རྡོ་རྗེ་འཆང་།། རྩོལ་བསྒྲུབ་དག་ལས་འདས་པ་ཡི།། སྤྱད་མེད་ལྷུན་གྱིས་གྲུབ་པ་ཡི།། འབྲས་བུ་ཕ་རོལ་ཕྱིན་པ་བཅུ།། སྒྲ
107a6 མཐུན་དོན་འཕགས་གསུང་དུ་གསོལ།། ཞེས་ཞུས་སོ།། སྟོན་པས་བཀའ་སྩལ་པ། རྡོ་རྗེ་འཛིན་པ་ལེགས་པར་ཟུང་ཞིག། ཕ་རོལ་ཕྱིན་པ་ཆེན་པོ་བཅུ།། ཟིན་པས་རྩོལ་པའི་ནད་སྤངས་པ།། ལྷུན་གྱིས་གནས་པས
iiif viewer powered by OpenSeadragon
