| e-texts navigator |
| Wylie |
105b1 རྫོགས་གཅིག་ལ་གནས་པ་ཀུན་ཏུ་འོད་ཀྱི་ས།། དེ་ཉིད་རང་སྣང་ཡིན་པས་མཁྱེན་པ་ཁོང་ནས་ཤར།། ཤེས་རབ་སྐྱེས་པའི་སྟོབས་ཀྱི་སྐུར་གསལ་བ།། ཚོམ་བུ་ལྔ་པ་ཆོས་ཀྱི་སྤྱན་དྲུག་ཤར།། གསལ་ལ་མི་གནས་པདྨ
105b2 ཅན་གྱི་ས།། གསུང་གི་ངོ་བོ་རང་བྱུང་ཡི་གེ་དྲུག། ལྗགས་ལས་འོད་འཕྲོས་སྤྲུལ་པའི་སྐུར་གྱུར་པས།། བཅུ་གསུམ་ཡི་གེ་འཁོར་ལོ་ཚོགས་ཆེན་ས།། སྤྲུལ་པའི་སྐུ་ཡི་འགྲོ་དོན་རྫོགས་མཛད་པ།། རྡོ་རྗེ་འཛིན་པ་བཅུ
105b3 བཞིའི་ས་རུ་བཞག། ཡེ་ཤེས་སྦུབས་སུ་རྫོགས་སངས་རྒྱས་པ་ཡིས།། ཐུགས་རྗེས་གནས་ནས་སྒྲོལ་ཞིང་རང་རང་གཞི་ལ་སྦྱོར།། གསང་བའི་དོན་གྱིས་སྦྱོར་སྒྲོལ་ཞེས་སུ་བཏགས།། རང་བྱུང་ཚིག་ལྔ་ཞི་བ་མྱ་ངན
105b4 འདས།། རིན་ཆེན་སྦུབས་སུ་སྐུ་ལྔ་ཀློང་ནས་འཁྱིལ།། དཔེར་ན་གནམ་སྟོང་ཟླ་བ་ཡོངས་རྫོགས་ཀྱང་།། ཉི་མའི་སྟོབས་ཀྱིས་ཟླ་བ་མི་སྣང་བ།། ཚེས་གཅིག་དགོང་ནས་བཅོ་ལྔ་རྫོགས་གྱུར་ཏེ།། དེ་ནས་ཟླ་བ་སྐྱེ་བ
105b5 མེད་པ་ལྟར།། རིན་ཆེན་སྦུབས་སུ་འདུ་འབྲལ་མེད་ཀྱིས་ཀྱང་།། འཁྲུལ་པའི་སྟོབས་ཀྱིས་དངོས་སུ་གསལ་མ་ནུས།། དང་པོའི་ས་ནས་བཅོ་ལྔ་ཡོངས་རྫོགས་ཏེ།། དེ་ལས་ཡར་གཤེགས་དགུ་ལ་ཤུལ་མི་མངའ།། ཉི་ཤུ
105b6 རྩ་གཅིག་སུམ་ཅུ་རྩ་སོགས་རྣམས།། བཅོ་ལྔའི་འདུག་ཚུལ་ཡོན་ཏན་ཟུར་ཙམ་ཡིན།། བརྩི་བ་མས་བརྩི་ཤེས་པ་ཐད་ཀར་ཆོད།། གཟིགས་པ་མ་འགགས་ཡས་གཟིགས་ཏེ།། རྣམ་རྟོག་མི་མངའ་ས་ལེར་མཁྱེན
iiif viewer powered by OpenSeadragon
