| e-texts navigator |
| Wylie |
105a1 རོལ་ཕྱིན་བཅུ་སྤྱད་དུ་མེད།། འོན་ཀྱང་ཐེག་པ་སྤྱི་དང་སྒོ་བསྟན་པས།། སྦྱང་དུ་མེད་པའི་ས་རིམ་དང་།། བགྲོད་དུ་མེད་པའི་ལམ་རིམ་དང་།། སྤྱོད་དུ་མེད་པའི་ཕ་རོལ་ཕྱིན་པ་སྤྱད།། ཅེས་གསུངས
105a2 སོ།། དེ་ནས་ཡང་གསང་བའི་བདག་པོས་ཞུས་པ། སྦྲང་དུ་མེད་པའི་ས་རིམ་གསུང་དུ་གསོལ།། ཞེས་ཞུས་སོ།། རྫོགས་ཆེན་ཆོས་ཉིད་ས་གཅིག་པ།། ཡོན་ཏན་རྟོགས་ཚུལ་བཅོ་ལྔ་བརྩིས།། རྒྱུད་ལུང་སྤྲི་ཡི
105a3 ཁོག་དོན་ཀུན་བཀྲོལ་ནས།། ངོ་སྤྲོད་རྣམ་བཞིས་ཚེ་འདིར་བདེན་པ་མཐོང་།། དེ་ལ་རབ་ཏུ་དགའ་བའི་ས་ཞེས་བྱ།། མན་ངག་དོན་གྱིས་བློ་ཡི་ཐེ་ཚོམ་བསལ།། རང་གི་རྒྱུད་ལ་ངེས་པའི་ཤེས་པ་སྐྱེས།། དྲི་མ་མེད་པའི
105a4 ས་རུ་བཏགས་པ་ཡིན།། གསུམ་པ་འོད་བྱེད་པ་ནི་སེམས་ཉིད་ཡེ་ཤེས་སུ་དབང་དུ་འདུས་སྟེ། དེ་ཉིད་རྩལ་དུ་ཤེས་པས་དོན་བརྗོད་རག་མ་ལུས།། བཞི་པ་འོད་འཕྲོ་དེ་དོན་ཀུན་ཏུ་སྒྲོགས།། ལྔ་པ་དུག་ལྔ་དུག་གསུམ
105a5 ནང་དུ་དག། དྲུག་པ་སྦུབས་གསུམ་སྐབས་ཀྱི་སྐུ་གསུམ་གསལ།། བདུན་པ་ཐེགས་བརྒྱད་དོན་ལས་རབ་ཏུ་འཕགས།། བརྒྱད་པ་རང་གི་དོན་ལས་མ་གཡོས་མཁྱེན།། དགུ་པ་ཡོན་ཏན་རང་ལ་རྫོགས་པར
105a6 མཁྱེན།། བཅུ་པ་ཆོས་རྣམས་གང་ལའང་ཐོགས་མེད་མཁྱེན།། བག་ཆགས་སྦུབས་སུ་རྟོགས་པ་སྐྱེ་ལུགས་ཡིན།། རྟོགས་ལྡན་འཁྲུལ་པའི་སྣང་བ་འགགས་པའི་ཚེ།། ཆོས་ཉིད་ཀློང་དུ་ཡེ་ཤེས་འོད་དུ་གསལ།། བཅུ
iiif viewer powered by OpenSeadragon
