| e-texts navigator |
| Wylie |
104b1 སོ།། ཡང་གསུངས་པ། མན་ངག་དོན་གྱི་ངོ་བོ་དང་།། མིང་གི་ངེས་ཚིག་བསྟན་པ་དང་།། དེ་ཡི་བྱེ་བྲག་ཇི་ལྟར་དཔེ་དང་བཅས་པ་བསྟན།། དེ་ཡི་དབྱེ་བ་བསྟན་པ་ནི།། ཚིག་དང་དོན་དུ་ཤེས་པར་བྱ།། དོན་གྱི་མན
104b2 ངག་ངོ་བོ་ནི།། ཁོང་ནས་གབ་སྦས་དོན་འབྱིན་པ།། སྟོན་པ་རྡོ་རྗེ་ཐུགས་ལ་གནས།། གསལ་བར་ཞལ་དུ་བརྗོད་པའོ།། ཚིག་གི་མན་ངག་ངོ་བོ་ནི།། ཞལ་ནས་གསུངས་པའི་ཚིག་དོན་ཀུན།། མ་ནོར་དོན་དང་ཁྲིགས
104b3 བསྡེབས་ནས།། བདེ་བླག་རྟོགས་ཕྱིར་དཀར་ཆག་མནན།། ཚིག་དོན་གསལ་བར་བྱེད་པ་ཡིན།། ངོ་བོ་དབྱེ་བ་དེ་བསྟན་ནོ།། དེ་ཡི་ངེས་ཚིག་བསྟན་པ་ནི།། ཚིག་ཆུང་དོན་ཆེའི་མན་ངག་གོ།། ངེས་དོན་གདམས་ངག
104b4 གང་ཡིན་པ།། བརྗོད་བྲལ་གསང་ཕྱིར་མན་ངག་གོ།། ངེས་ཚིག་གཏན་ཚིགས་བཅས་པ་ཡིས།། མ་ཡིས་གདམས་པ་བུ་ལ་སྨྲས་པ་བཞིན།། སྤྱིར་ན་རྒྱུད་ལུང་མན་ངག་གསུམ།། རྗེ་བློན་འབངས་དང་འདྲ་བར
104b5 བཤད།། ཅེས་གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། མན་ངག་དོན་བཤད་པའི་ལེའུ་སྟེ་གོ་བརྒྱད་པའོ།། །། དེ་ནས་ཡང་གསང་བའི་བདག་པོས་ཞུས་པ། མན་ངག་ལུང་གི་ས་ལམ་དང་།། ཕ
104b6 རོལ་ཕྱིན་པ་གསུང་དུ་གསོལ།། ཞེས་ཞུས་སོ།། སྟོན་པས་བཀའ་སྩལ་པ། རྡོ་རྗེ་འཛིན་པ་ལེགས་པར་ཟུང་ཞིག། མན་ངག་རྫོགས་པ་ཆེན་པོ་ལ།། ས་ལ་སྦྱང་དུ་མེད་པ་ཡིན།། ལམ་ལ་བགྲོད་དུ་མེད་པ་ཡིན།། ཕ
iiif viewer powered by OpenSeadragon
