| e-texts navigator |
| Wylie |
104a1 ཟག་རྣ་བར་བརྒྱུད་ནས་བཤད།། བརྒྱུད་པ་འབྲེལ་མ་ཆད་པས་ངེས་པར་ཡིད་ཆེས་འགྱུར།། རྩ་བའི་དོན་དུ་བཤད་པ་ནི།། རང་རིག་ཡེ་ཤེས་ཆེན་པོར་བཤད།། ཚིག་གི་དོན་དུ་བཤད་པ་ནི།། བྱིན
104a2 རླབས་ངོ་བོ་ངེས་ཚིག་བསྡེབ་པ་སྟེ།། སྐུ་གསུམ་རྒྱལ་བའི་བཤད་ལུགས་ཡིན།། མཚོན་བྱེད་ཚིག་གིས་ངེས་པའི་དོན་བཤད་པས།། གོང་དུ་བཤད་པ་བཞིན་དུ་ཤེས་པར་བྱ།། ཡོ་གའི་དོན་དུ་བཤད་པ་ནི།། ཐེག་པའི
104a3 ལ་ཤན་ཕྱི་ལ་བཤད།། དེ་ཡང་དོན་གསལ་འདིར་བསྟན་བཞིན།། དགོས་ཆེད་དོན་དུ་བཤད་པ་ནི།། འཁྲུལ་པ་གསུམ་པོ་རབ་འབྲིང་རིམ་པས་གྲོལ།། རིན་ཆེན་སྦུབས་སུ་གྲུབ་མཐའ་རྫོགས་པར་བསྟན།། ཞེས
104a4 གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། མན་ངག་དགོས་ཆེད་ལྔས་བཤད་པའི་ལེའུ་སྟེ་གོ་བདུན་པའོ།། །། དེ་ནས་ཡང་གསང་བའི་བདག་པོས་ཞུས་པ། ཀྱེ་ཀྱེ་བཅོམ་ལྡན་རྡོ་རྗེ་འཆང་།། མན
104a5 ངག་རྣམ་གསུམ་མཛོད་གྱུར་ཇི་ལྟར་ལགས། ཞེས་ཞུས་པས་སྟོན་པས་བཀའ་སྩལ་པ།། རྡོ་རྗེ་འཛིན་པ་ལེགས་པར་ཟུང་ཞིག། སྐུ་དང་གསུང་དང་ཐུགས་དང་གསུམ་གྱི་མཛོད།། མན་ངག་ཀུན་གྱི་གཞི་ཡི་གནས
104a6 ལུགས་དང་།། དེ་བརྗོད་ཚིག་གི་མན་ངག་དང་།། ཚིག་དང་དོན་སྦྱོར་མན་ངག་གསུམ།། བསྡུས་པའི་མན་ངག་ཚིག་གསུམ་པ།། སྐུ་གསུང་ཐུགས་ཀྱི་མཛོད་ནས་ཕྱུང་།། སྙིང་པོ་གསུམ་དུ་ཤེས་པར་བྱ།། ཞེས་གསུངས
iiif viewer powered by OpenSeadragon
