| e-texts navigator |
| Wylie |
103b1 བྱ། བདེ་བླག་ཏུ་རྟོགས་པར་བྱ་བས་ལུང་། བཀྱེར་བདེ་བས་ཀྱང་ལུང་། ཀུན་དང་འབྲེལ་དུ་བཏུབ་པས་ཀྱང་ལུང་ངོ་།། དཔེ་ནི་རྒྱལ་པོས་བཀའ་སྩལ་པ་ལྟ་བུ། སྣོད་སྤྱད་ལུང་ནས་ཟིན་པ་ལྟ་བུ་དང་། སྣོད་ལུང་མེད
103b2 བཀྱེར་མི་བདེ་བ་ལས། ལུང་ཅན་བཀྱེར་བདེ་བ་ལྟ་བུ་དང་། འདམས་ཀྱི་ཕུར་པ་ལྟ་བུའོ།། ཞེས་གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། ལུང་གི་དོན་བཤད་བསྟན་པའི་ལེའུ་སྟེ་གོ་དྲུག
103b3 པའོ།། །། དེ་ནས་ཡང་གསང་བའི་བདག་པོས་ཞུས་པ།། ཀྱེ་ཀྱེ་བཅོམ་ལྡན་རྡོ་རྗེ་འཆང་།། མན་ངག་བཤད་ལུགས་ཇི་ལྟར་ལགས།། ཞེས་ཞུས་སོ།། སྟོན་པས་བཀའ་སྩལ་པ། རྡོ་རྗེ་འཛིན་པ་ལེགས་པར་ཟུང
103b4 ཞིག། མན་ངག་དོན་གྱིས་བཤད་ལུགས་ནི།། སྤྱི་དོན་རྣམ་པ་ལྔ་ཡིས་བཤད།། ལོ་རྒྱུས་དོན་དང་རྩ་བའི་དོན་དུ་བཤད་པའོ།། ཚིག་གི་དོན་དུ་བཤད་པ་དང་།། ཡོ་གའི་དོན་དུ་བཤད་པ་དང་།། དགོས་ཆེད་ཀྱི་དོན་དུ
103b5 བཤད་པའོ།། ལོ་རྒྱུས་ཀྱི་དོན་ལ་གསུམ་སྟེ། གང་ཟག་དག་གིས་འཕྲལ་ལ་བྱས་པ་མ་ཡིན་པར།། དུས་གསུམ་སངས་རྒྱས་ཀུན་གྱི་དགོངས་པ་རྒྱུད་པས་བཤད།། སངས་རྒྱས་ཞལ་ནས་གསུངས་པ་ཡིད་ཆེས
103b6 འགྱུར།། ངེས་པ་དོན་གྱི་འཁོར་ཡིན་པས།། རིག་འཛིན་བརྡ་ཡི་བརྒྱུད་པས་བཤད།། ལྡེམ་པོའི་དོན་ལ་དགོངས་པ་མ་ཡིན་པར།། ངེས་པའི་དོན་དུ་གསུངས་པའི་ཡིད་ཆེས་འགྱུར།། དེ་བཞིན་བཤད་པའི་དུས་སུ་གང
iiif viewer powered by OpenSeadragon
