| e-texts navigator |
| Wylie |
103a1 བྲིས་པས།། ཚིག་གི་ལྷག་ཆད་མ་ཞུགས་སྟེ།། དེས་ནི་ལུང་གི་ཆེ་བའོ།། བསྐྱེད་དང་རྫོགས་པ་རྣམ་པ་གསུམ།། འདུ་འབྲལ་མེད་པའི་དགོངས་པ་ནི།། ལོ་མ་མེ་ཏོག་འབྲས་བུའི་ཚུལ།། ཟ་མི་དད་དུ
103a2 བསྟན་པས་ནི།། གསང་སྔགས་ཀུན་དང་མཐུན་གྱུར་ཏེ།། གསང་སྔགས་སྤྱི་ལུང་མི་འགལ་བས།། གསང་སྔགས་ཀུན་གྱི་བཀའ་འདུས་པས།། ལུང་གི་ཡིད་ཆེས་ཆེ་བའོ།། ཞེས་གསུངས་སོ།། སྤྲོས་བྲལ་དོན་གསལ
103a3 ཆེན་པོའི་རྒྱུད་ལས། ལུང་གི་ཆེ་བ་ལྔ་བཤད་པའི་ལེའུ་སྟེ་གོ་ལྔ་པའོ།། །། དེ་ནས་ཡང་གསང་བའི་བདག་པོས་ཞུས་པ།། ཀྱེ་ཀྱེ་བཅོམ་ལྡན་རྡོ་རྗེ་འཆང་།། ལུང་གི་དོན་བཤད་གསུང་དུ་གསོལ།། ཞེས་ཞུས
103a4 སོ།། སྟོན་པས་བཀའ་སྩལ་པ།། རྡོ་རྗེ་འཛིན་པ་ལེགས་པར་ཟུང་ཞིག། ལུང་གི་ངོ་བོ་ངེས་ཚིག་དང་།། དབྱེ་བ་ཐུན་མོང་དཔེ་རྣམས་བཤད།། རིགས་ཀྱི་བུ་ལུང་གི་ངོ་བོ་ནི། དབྱེ་བའི་སྒོ་ནས་བསྟན་པར་བྱ་སྟེ། དོན་གྱི
103a5 ང་གི་ངོ་བོ་ནི།། མི་འགྱུར་སེམས་ཀྱི་ལུང་ཞེས་བྱ་སྟེ། རིག་པ་ཉིད་དོ།། ཚིག་གི་ལུང་གི་ངོ་བོ་ནི།། སྟོན་པའི་ཞལ་ནས་གསུངས་པ་ལས།། མ་བསྣུན་མ་ཕྲིས་མ་བྱས་པའི་ཚིག་གོ།། ཚིག་གི་ལུང་ལ་གཉིས་ཏེ། སྙན
103a6 ཁུང་ལས་རྒྱུད་པ་དང་། མངོན་དུ་ཕྱུང་བའོ།། དེ་ལ་གཉིས་སྟེ། དྲང་དོན་དང་ངེས་དོན་ནོ།། ལུང་གི་ངེས་ཚིག་ནི། ཚིག་གི་དོན་མཚོན་པས་ལུང་ཞེས་བྱ། ཡིད་ཆེས་པར་བྱ་བའི་ཕྱིར་ལུང་ཞེས་བྱ། ཟིན་པས་ལུང་ཞེས
iiif viewer powered by OpenSeadragon
