| e-texts navigator |
| Wylie |
102b1 པ་ཆེན་པོར་གྱུར་པའོ།། གསང་སྔགས་མི་བཟླའ་དོན་ལ་བཞག། ཕྱག་རྒྱ་མི་བསྒོམ་མ་བསྐྱེད་ལྷུན་གྱིས་རྫོགས།། ཞེས་གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས།། བསྙེན་བསྒྲུབ་རྣམ་པ་གཉིས་བསྟན
102b2 པའི་ལེའུ་སྟེ་གོ་བཞི་པའོ།། །། དེ་ནས་ཡང་གསང་བའི་བདག་པོས་ཞུས་པ།། ཀྱེ་ཀྱེ་བཅོམ་ལྡན་རྡོ་རྗེ་འཆང་།། ཞལ་ནས་གསུངས་པའི་ལུང་ཆེན་རྣམས།། བཤད་པའི་ཐབས་རྣམས་གསུང་དུ་གསོལ།། ཞེས་ཞུས
102b3 སོ།། སྟོན་པས་བཀའ་སྩལ་པ།། རྡོ་རྗེ་འཛིན་པ་ལེགས་པར་ཟུང་ཞིག། ལུང་རྣམས་ཆེ་བ་ངས་བཤད་དེ།། སྟོན་པའི་ཞལ་ནས་གསུངས་པ་ལས།། གཞན་གྱི་ལུང་ལ་མ་བརྟེན་པར།། ལུང་གིས་ཡིད་ཆེས་པའི་ཆེ་བ
102b4 དང་། སྟོན་པའི་ཐུགས་རྣམ་པར་དག་པ་ལ། དང་པོ་རྒྱུ་མེད་པར་དུ་རྐྱེན་མེད། ཐ་མ་མི་འགྱུར་བས། འགྱུར་མེད་ནམ་མཁའི་ལུང་གིས་ཆེ་བ་དང་། ཉེས་པ་ཟད་པས་རྫུན་གྱི་ཚིག་སྨྲ་བར་མི་བྱེད་པས་རྫུན་མེད་པའི
102b5 ཞལ་ནས་གསུངས་པའི་བདེན་པའོ།། སྟོན་པ་མཁས་པའི་བདག་ཉིད་ལས།། ཚིག་དང་འབྲུ་གཉིས་དོན་སྡེབས་ལེགས།། དེ་བཞིན་ཉིད་ལས་མི་འདའ་བས།། ཡིད་ཆེས་ལུང་གི་ཆེ་བའོ།། ངས་འཁོར་ཀུན་ལས
102b6 འཕགས་གྱུར་པའི།། དགའ་རབ་རྡོ་རྗེའི་དོན་ཆེད་དུ།། སྟོན་པས་ཞལ་ནས་གསུངས་པ་ལ།། ལུང་མ་ནོར་བར་བྲིས་པ་ནི།། རིན་ཆེན་གསེར་གྱི་གླེགས་བམ་ལ།། བཻ་ཌཱུ་ར་ཡ་ནི་ཞུན་མ་ཡིས།། རང་ནན་དག་ཏུ་ལེགས
iiif viewer powered by OpenSeadragon
