| e-texts navigator |
| Wylie |
101a1 བཅོམ་ལྡན་རྡོ་རྗེ་འཆང་།། མཆོད་པའི་རྣལ་འབྱོར་ཇི་ལྟར་ལགས།། ཞེས་ཞུས་སོ།། སྟོན་པས་བཀའ་སྩལ་པ། རྡོ་རྗེ་འཛིན་པ་ལེགས་པར་ཟུང་ཞིག། ཆོས་ཉིད་དག་པའི་ཕོ་བྲང་དུ།། རང་རིག་ཡེ་ཤེས
101a2 མ་འགགས་ཤར།། ཡེ་ཤེས་དབྱིངས་ལ་ཤར་བ་ཡིས།། དབྱིངས་དང་ཡེ་ཤེས་གཉིས་མེད་འགྱུར།། ཡེ་ཤེས་གཉིས་མེད་མཆོད་པ་ཡིན།། མཚན་རྫོགས་རྡོ་རྗེ་འཆང་གི་སར།། ཡབ་ཡུམ་བཞི་བཅུ་རྩ་གཉིས
101a3 འཕྲོས།། ཡེ་ཤེས་ལྔ་ཡི་དང་ལ་རོལ།། མ་འགགས་གཉིས་མེད་མཆོད་པ་ཡིན།། སྦྲུལ་སྐུའི་མཆོད་པ་རྣམ་པ་ལྔ།། མཆོད་རྫས་གཟུགས་སྒྲ་དྲི་རོ་རེག། སེམས་དཔའི་ཁྱེའུ་ཆུང་ལྔས་བླངས་ནས།། རིག་བྱེད་དང་དུ
101a4 གཉིས་མེད་ཐིམ།། རྒྱ་མཚོ་ཆུ་ཡི་འཕྲོ་འདུ་བཞིན།། མཆོད་པ་རྒྱུན་མི་ཆད་པའོ།། ཞེས་གསུངས་སོ།། དེ་ནས་ཡང་རྣལ་འབྱོར་གསུངས་པ།། སྐུ་གསུམ་འདུ་འབྲལ་མེད་པ་ནི།། དོན་ལ་མོས་བྱེད་རྣལ་འབྱོར
101a5 ཡིན།། རྣལ་འབྱོར་ཆེན་པོ་བསྒོམ་ལས་འདས་པར་རྟོགས།། རྟོགས་པའི་དོན་ལ་བྱ་རྩོལ་མི་མངའ་བར།། རང་གདངས་ཆེན་པོའི་ངང་ལས་གནས་པ་ཡིན།། རྣལ་འབྱོར་དབང་ཆེན་བྱ་རྩོལ་འདས་པ་ཡིན།། དེ་དོན
101a6 རང་ལ་གནས་པ་ནི།། རྣལ་འབྱོར་བླ་ན་མེད་པ་ཡིན།། རྣལ་འབྱོར་དག་གི་ངོ་བོ་ཡང་།། གཉིས་སུ་མེད་པའི་དགོངས་པ་ཡིན།། རྣལ་འབྱོར་དག་གི་ངེས་ཚིག་ཀྱང་།། བློ་དངོས་གཉིས་མེད་འབྱོར་པ་དང་།། སྐུ་གསུམ
iiif viewer powered by OpenSeadragon
