| e-texts navigator |
| Wylie |
100b1 སོ།། སྟོན་པས་བཀའ་སྩལ་པ། རྡོ་རྗེ་འཛིན་པ་ལེགས་པར་ཟུང་ཞིག། ཕྲིན་ལས་ཀྱི་ངོ་བོ་བྱ་བ་གྲུབ་པའི་ཡེ་ཤེས་ཡིན། ཕྲིན་ལས་ཀྱི་ངེས་ཚིག་ནི།། རང་བཞིན་བྱ་རྩོལ་ལས་འདས་པས།། སོ་སོའི་དོན་མཛད་ཕྲིན
100b2 ལས་ཡིན།། དབྱེ་བ་རྣམ་པ་གཉིས་ཡིན་ཏེ།། རྩོལ་བ་ཡོད་དང་མེད་པའོ།། རྩོལ་བྲལ་ཕྲིན་ལས་རྣམ་པ་བཞི།། ཆོས་སྐུ་དངོས་མེད་སྤྲོས་དང་བྲལ།། རྟོགས་པས་སྤྲོས་པ་ཐམས་ཅད་ཞི།། ཞི་བའི་ཕྲིན་ལས་ཞེས་སུ
100b3 བྱ།། ཡོན་ཏན་ནོར་བུ་བཞིན་དུ་འབྱུང་།། རྒྱས་པའི་ཕྲིན་ལས་ཞེས་སུ་བྱ།། ཐམས་ཅད་འབྱུང་ཡང་དེ་ལས་འབྱུང་།། ཐམས་ཅད་གནས་ཀྱང་དེ་ལ་གནས།། ཐམས་ཅད་ཐིམ་ཡང་དེ་ལ་ཐིམ།། ཐམས་ཅད་ལ་ཡང
100b4 དབང་བསྐུར་པས།། དབང་གི་ཕྲིན་ལས་ཞེས་སུ་བྱ།། རིག་པ་དངོས་མེད་རྡོས་པའི་ཆོས་མེད་པས།། ཕྱོགས་མེད་གང་ལའང་ཐོགས་པ་མེད་པར་འཆར།། ཐུགས་རྗེའི་སྟོབས་ཀྱིས་སྣང་ཞིང་བསྡུས་པས་ན།། དྲག་པོའི
100b5 ཕྲིན་ལས་ཞེས་སུ་གསུངས་པ་ཡིན།། བྱ་རྩོལ་མེད་པར་ཉི་མའི་འོད་ཟེར་གྱིས།། ཁམས་གསུམ་མཚན་མའི་མུན་པ་སེལ་བ་ལྟར།། ཐོགས་པ་མེད་པའི་ཐུགས་རྗེ་ཆེན་པོ་ཡིས།། བྱ་རྩོལ་མེད་པའི་ཕྲིན་ལས་ཆེན་པོ
100b6 ཡིན།། ཞེས་གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། ཕྲིན་ལས་ཀྱི་རང་བཞིན་བྱ་རྩོལ་མེད་པའི་དོན་བསྟན་པའི་ལེའུ་སྟེ་གོ་གཅིག་པའོ།། །། དེ་ནས་གསང་བའི་བདག་པོས་ཞུས་པ། ཀྱེ་ཀྱེ
iiif viewer powered by OpenSeadragon
