| e-texts navigator |
| Wylie |
100a1 བཏོང་བ་ཡིན།། དམ་ཚིག་ཏིང་འཛིན་ངོ་བོ་ནི།། གང་བསྒོམ་ཡིད་ལ་གསལ་བ་ཡིན།། རང་བཞིན་ལྷུན་གྱིས་གྲུབ་པའི་དཀྱིལ་འཁོར་ནི།། སྐུ་གསུམ་རྒྱལ་བའི་དཀྱིལ་འཁོར་ཡིན།། རིག་པ་དཀྱིལ་ལ
100a2 ཡེ་ཤེས་འཁོར།། ཆོས་སྐུའི་ངོ་བོ་ངེས་ཚིག་ཡིན།། གཙོ་བོ་དཀྱིལ་ལ་སེམས་དཔའ་ཡབ་ཡུམ་འཁོར།། ལོངས་སྐུའི་ངོ་བོ་ངེས་ཚིག་ཡིན། ཀུན་གཞི་དཀྱིལ་ལ་ཚོགས་བརྒྱད་འཁོར།། སྦྲུལ་སྐུའི་ངོ་བོ་ངེས་ཚིག
100a3 ཡིན།། དཔེ་ནི་ཉི་ཟླ་གཟའ་སྐར་ཤར་བ་བཞིན།། བརྗོད་ལུགས་མང་ཡང་བསྡུས་པ་ཡིན།། ཞེས་གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། དཀྱིལ་འཁོར་བསྟན་པའི་ལེའུ་སྟེ་དགུ་བཅུ
100a4 པའོ།། །། དེ་ནས་ཡང་སྟོན་པས་བཀའ་སྩལ་པ།། རྡོ་རྗེ་འཛིན་པ་ལེགས་པར་ཟུང་ཞིག། མ་བྲིས་མ་བསྐྱེད་མ་བསྒོམས་པར།། རང་བཞིན་གསལ་བའི་དཀྱིལ་འཁོར་ལ།། བྱ་རྩོལ་འདས་པའི་ཕྲིན་ལས
100a5 ཀྱིས།། ཐོག་མ་མེད་པར་དོན་མཛད་དེ།། སྐུ་གསུམ་རྒྱལ་བའི་དཀྱིལ་འཁོར་དུ།། སྟོན་པས་སྐུ་གསུམ་དོན་མཛད་དེ།། སྐུ་ཡི་འོད་དང་གསུང་གི་འོད་ཟེར་ལས།། སྟོན་པས་སྐུ་གསུམ་རྩལ་དུ་གྲུབ།། བྱིན་རླབས་ངང
100a6 གི་ཚིག་སྦྱོར་གྱིས།། ཕྲིན་ལས་འགྲོ་དོན་ཐོགས་མེད་མཛད།། བྱས་པ་མེད་པར་ལྷུན་གྱིས་གྲུབ།། ཅེས་གསུངས་སོ།། ཡང་གསང་བའི་བདག་པོས་ཞུས་པ།། ཕྲིན་ལས་དོན་བཤད་གསུང་དུ་གསོལ།། ཞེས་ཞུས
iiif viewer powered by OpenSeadragon
