| e-texts navigator |
| Wylie |
8a1 སྟེ། དཀྱིལ་འཁོར་ཆེན་པོའི་ཤར་ལྷོའམ།། ཡང་ན་བྱང་ཤར་ཉིད་ཀྱང་རུང་།། དེ་བཞིན་ལྕོ་དང་ལྡན་ཏུ་ཡང་།། གཟུགས་འཛིན་པ་དབ་པ་ཞལ་བྲི་སྟེ། མདོག་ངན་ཁམས
8a2 ནག་རལ་པ་ཅན།། ཤེལ་མིག་ཁྲོ་གཉེར་ཁ་ཟུར་གསུམ།། ཚེར་མ་ཅན་གྱི་ཤིང་དག་ལ།། དུག་ཤིང་བརྩེགས་པའི་ཡམ་ཤིང་བྱས།། གནོད་པའི་མིང་རུས་དུ་མ་རྣམས།། རེ་རེའི་སྔོན་དུ་གསང་སྔགས་ལྡན།།
8a3 བདག་ཉིད་འདོད་ལྷའི་ང་རྒྱལ་གྱིས།། རང་བཞིན་གནས་ནས་དགུག་དང་དང་གཞུགས།། གཞན་ཡང་བྱས་ཏེ་རྟེན་འབྲེལ་ནི།། གླང་ཆེན་ཀླད་པ་མི་དབང་ཤ། བྱ་རོག་འུག་པའི་ཤ་ཚིལ་དང་།། ཤ་ཁྲག་རོའི
8a4 རྡུར་ཁྲག་སོགས་སྦྱར་ནས་བཏབ་པའི་སྔགས་འདི་ཡིན།། ཨོཾ་ཙ་ལ་ཨ་ཤུག་མེ། སརྦ་ཤདྡྷ། ཨ་མུ་ཀཾ། ད་ཧ་ད་ཧ། པ་ཙ་པ་ཙ། སྨྲས་ཀུ་རུ་ཀུ་རུ་ཙུ་ཧཱུ~ཾ་ཕཊ། མེ་ནི་སྔོ་གནག་དམར་བ་ཡིན།། ལྗང་ནག
8a5 དུང་ཁ་བཙུག་ཏུ་འཁྱིལ། ཁམ་པའི་ཚུབ་ལོ་བྱེད་འདྲ།། འཚུབ་མ་ཚ་ཞིང་ཚ་ཚ་འཕྲོ།། བབ་པའི་མེ་ལྕེ་ལྟ་བུ་ནི།། དྲག་པོ་སྦྱིན་སྲེག་ལྟ་བུ་ཡིན། དྲག་པོ་ཕྱིའི་ཞེ་གནས་ལ།། རྟེན་ན་གང་གིས་སྦྱིན
8a6 སྲེག་གྲུབ།། རྣལ་འབྱོར་དབང་ཕྱུག་ཆེན་མོ་རལ་གཅིག་མའི་རྒྱུད་ལས། སྦྱིན་སྲེག་ལེའུ་སྟེ་གཉིས་པའོ།། ། ཕྱག་ནི་རྡོ་རྗེས་གསོལ་པ། བཅོམ་ལྡན་འདས་རྣལ་འབྱོར་ཆེན་མོ་རལ་གཅིག
8a7 མའི་དམ་ཚིག་ཇི་ལྟ་བུ་ལགས།། བཅོམ་ལྡན་འདས་ཀྱིས་གསུངས་པ། གསང་བའི་བདག་པོ་རལ་པ་གཅིག་པའི་དམ་ཚིག་གི་ནི་འདི་ལྟ་སྟེ། བདེན་པ་ལ་ཐེ་ཚོམ་མེད་པ་དང་། ཆོས་ཉིད་ལ་ཐེ་ཚོམ
iiif viewer powered by OpenSeadragon
