| e-texts navigator |
| Wylie |
6a1 བཞིན་གཤེགས་པ་ཐམས་ཅད་ཀྱི་རང་བཞིན་གྱི་གནས།། ཡུམ་གྱི་བྷག་རྣམ་པར་དག་པའི་དབྱིངས་ན་བཞུགས་སོ།། ཉིད་ལས་མི་བཞན་པའི་དེ་བཞིན་གཤེགས་པ་དང་མཛེས་པའི
6a2 མ་མོ་ཆེན་མོ་ཀཽ་རི་དང་།། ཙཽ་རི་དང་།། པྲ་མོ་ཧ་དང་།། བེ་ཏ་ལི་དང་། པུཀྐ་སི་དང་། གྷསྨ་རི་དང་། སྨ་ཤ་ནི་དང་། ཙནྡ་ལི་ལ་སོགས་པ་དང་། གཞན་ཡང་སེང་གེ་མགོ་ཅན་དང་། དེ་བཞིན་དུ་སྟག་དང་། ཝ་དང་། སྦྱང
6a3 ཀི་དང་། བྱ་རྒོད་དང་། ཀང་ཀའི་མགོ་དང་། བྱ་རོག་གི་མགོ་དང་། འུག་པའི་མགོ་ཅན་ལ་སོགས་པའོ།། གཞན་ཡང་ལྕགས་ཀྱུ་ཅན་དང་། ཞགས་པ་དང་། ལྕག་སྒྲོགས་དང་། དྲིལ་བུ་ཅན་ལ་སོགས་པ་དང་ལྡན་པར་འགྱུར
6a4 རོ།། གཞན་ཡང་བྱང་ཆུབ་སེམས་དཔའ་ཆེན་པོ་གསང་བའི་བདག་པོ་ལག་ན་རྡོ་རྗེ་ལ་སོགས་པའི་བྱང་ཆུབ་སེམས་དཔའ་རྣམས་དང་ཐབས་ཅིག་ཏུ་བཞུགས་སོ།། དེའི་ཚེ་དེའི་དུས་ན་འདི་ཉིད་ཀྱི་འདི་ལྟར་རང་བཞིན་གྱི་དཀྱིལ
6a5 འཁོར་ཡུམ་གྱི་བྷ་ག་རྣམ་པར་དག་པ་མ་མཐོང་བ་རྣམས་ནི། གནོད་སྦྱིན་དང་། སྲིན་པོ་དང་། སྲིན་མོ་དང་། མ་མོ་དང་། མཁའ་འགྲོ་མ་ལ་སོགས་པ་ནི། ཁྲག་འཐུང་བ་དང་། ནུས་པ་ལ་སོགས་པ་ཡང་འཆའ་ཞིང་། སྲོག
6a6 ཕྲོག་པར་བྱེད་པ་དང་རྣམ་པར་འཚེ་སྟེ། གཞན་གྱི་ནི་འདུལ་བའི་དུས་ལ་མ་བབ་པར་གྱུར་པ་དང་། དེའི་ཚེ་དེའི་དུས་ན། གསང་བའི་བདག་པོ་ལག་ན་རྡོ་རྗེས། བཅོམ་ལྡན་འདས་རྡོ་རྗེ་ཧེ་རུ་ཀ་ལ་འདི་སྐད་ཅེས་གསོལ་ཏོ།།
6a7 བཅོམ་ལྡན་འདས་བདག་ལ་བྱིན་གྱིས་བ་རླབ་ཏུ་གསོལ། སེམས་ཅན་གྱི་དོན་ལ་དབང་སྐུར་བ་དང་། དཀྱིལ་འཁོར་བསྟན་པ་དང་། སྦྱིན་སྲེག་དང་། དམ་ཚིག་དཔོག་པ་དང་། མཆོད་པ་བྱ་བ་དང་། མངོན་པར་བྱང་ཆུབ་བསྟན་པ་དང་།
iiif viewer powered by OpenSeadragon
