| e-texts navigator |
| Wylie |
260b1 རྒྱལ་པོ་འམ་བློན་པོའི་ལག་ཏུ་ཕྱིན་པ་ཙམ་གྱིས་དབང་དུ་འགྱུར་རོ།། དེ་ནས་གཞན་ཡང་ལས་ཐམས་ཅད་བསྒྲུབ་པའི་ཡུང་ཀར་གྱི་ཆོ་ག་ལ་བརྩོན་པར་བྱ་སྟེ། དེ་ལ་ཐོད་པ་དུམ་བུ་གསུམ་པར་དུར་ཁྲོད་ནས་བླངས་ལ། དཔལ་ནག་པོ་ཆེན་པོའི
260b2 བསམ་གཏན་གྱིས་བགེགས་བསྒག་དེ། ལྷོ་ནུབ་མཚམས་ས་ཁ་བལྟས་ཏེ་ཐོད་པ་ལ་འདི་བྲིས་ལ། ཨོཾ་མ་ཧཱ་ཀཱ་ལ་ཡ། ས་རས་པ་མི་བྷཱི་བྷ་བཱ་ཡ་ཧཱུཾ་ཧཱུཾ་ཕཊ་སྭཱ་ཧཱ། ས་གཏིང་ཁྲུ་གང་ཚད་དུ་སྠ། དེའི་སྙིང་དུ་ཁྲུ་གང་ཆོས་འབྱུང་གཟུགས་སུ་བདུག
260b3 པ་བྱ། དེ་ནས་ནག་པོ་ཆེན་པོའི་ཐུག་ཀའི་ས་བོན་ལས་འོད་ཟེར་ཡུངས་ཀར་ལ་ཐིམ་པར་བསམ་ལ་སྔགས་འདིས་ཡུངས་ཀར་ལ་ལན་བདུན་ནམ་བཅུ་བཞི་འམ་ཉི་ཤུ་རྩ་གཅིག་གམ་བརྒྱ་རྩ་བརྒྱད་བཟླས་ལ། ཉི་མའི་འོད་ཟེར་ལ་གཟུགས་པར
260b4 བྱའོ།། དེ་ནས་བསྐོར་བ་ལ་ལན་ཉི་ཤུ་རྩ་གཅིག་བྱ་ཞིང་སྔགས་བཟླའོ།། གཏོར་མ་དང་མཆོད་པ་ཡང་བྱ། ཞག་བདུན་བདུན་ཞིང་དེ་ལྟར་བྱའོ།། ཨོཾ་མ་ཧཱ་ཀཱ་ལ་ཡ། ཨུད་ག་ཏེ་ཧཱུཾ་ཕཊ་ཞེས་བཟླས་ཞིང་ཡུངས་ཀར་སྨིན་པའི་དུས་སུ། དཔལ་ནས
260b5 བོ་ཆེན་པོའི་བསམ་གཏན་དང་ལྡན་པས་ཡུངས་ཀར་བླ་བར་བྱའོ།། དེ་ནས་དུར་ཁྲོད་ཀྱི་གནས་ས་མཎྜལ་གྲུ་གསུམ་ཁྲུ་གང་གི་ཚད་དུ་སྔ་བྱས་ཏེ། བདུད་རྩི་རྣམ་པ་ལྔས་བྱུགས་ཏེ། དེའི་སྟེང་དུ་ཐོད་པའི་ཡུངས་ཀར་བླུགས་ལ་གཞག་པར་བྱ་སྟེ།
260b6 དེ་ལ་མཆོད་པ་དང་གཏོར་མ་ལ་སོགས་པ་བྱས་ནས་ཞག་གསུམ་དུ་སྔགས་ཀྱི་བསྙེན་པ་བྱས་ན། དེས་ལས་ཐམས་ཅད་འགྲུབ་པར་འགྱུར་རོ།། དེ་ནས་ནག་པོ་ཆེན་པོས་བཅོམ་ལྡན་འདས་ལ་གསོལ་པ། བཅོམ་ལྡན་འདས་ལས་ཐམས་ཅད
260b7 འགྲུབ་པར་འགྱུར་བ་ཅི་ལགས། བཅོམ་ལྡན་འདས་ཀྱིས་འཁོར་གྱི་ཚོགས་ལ་གཟུགས་ནས་བཀའ་སྩལ་པ། ཕ་རོལ་གྱི་དམག་ཚོགས་གཡུལ་རྣམས་དང་། གཅན་གཟན་ལ་སོགས་འཇིག་པའི་ཚོགས།། གང་ཞིག་འབྱུང་པོའི་སྟོབས
iiif viewer powered by OpenSeadragon
