| e-texts navigator |
| Wylie |
256a1 རྒྱའོ།། རྒྱ་རྒྱ་རྒྱ། མངའ་བདག་མྱང་གི་གཏེར་མ་ཡིན། བཀྲ་ཤིས། @། རྒྱ་གར་སྐད་དུ། ཤྲི་མ་ཧཱ་ཀ་ལ་རུ་ཏྲ་མ་ཧཱ་འམ་ས་ན་ཏནྟྲ་ནཱ་མ། བོད་སྐད་དུ།
256a2 དཔལ་ནག་པོ་ཆེན་པོ་དྲག་པོའི་རྟག་པ་དུར་ཁྲོད་ཆེན་པོའི་རྒྱུད་ཅེས་བྱ་བ་དཔལ་རྡོ་རྗེ་མཁའ་འགྲོ་མ་ལ་ཕྱག་འཚལ་ལོ།། ན་མཁའ་དང་མཉམ་འཁོར་ལོའི་བདག། ཐུགས་ཀྱི་རྡོ་རྗེ་བརྒྱད་ཀྱིས་བསྐོར།། དེ་སྦྲུལ་ནག་པོ་ཆར་སྤྲིན་མདོག། ལག་ནི
256a3 གྲི་གུག་ཐོད་པ་འཛིན།། འཁོར་དང་བཅས་ལ་ཕྱག་འཚལ་ལོ།། འདི་སྐད་བདག་གིས་ཐོས་པའི་དུས་གཅིག་ན།། བཅོམ་ལྡན་འདས་སྐུ་གསུང་ཐུགས་རྡོ་རྗེ་ནག་པོར་སྤྲུལ་ནས་འཇིགས་བྱེད་ཆེན་པོའི་སྐུར་མཛད་དེ།། ནག་པོ་དྲུག་པོ
256a4 ཤིན་ཏུ་ཡང་མི་བཟང་བར་མཛད་དེ།། དུར་ཁྲོད་ཆེན་པོའི་གནས་མཆོག་ན་བཞུགས་སོ།། དེའི་ཚེ་ཐུགས་རྡོ་རྗེའི་མཁའ་འགྲོ་མ་དང་། དམ་ཚིག་ལས་སྤྲུལ་པའི་མཁའ་འགྲོ་མ་དང་།། ལས་ལས་ཡོངས་སུ་གྲུབ་པའི་མཁའ་འགྲོ་དང་།
256a5 འཇིགས་བྱེད་དང་འཇིགས་བྱེད་ཆེན་མོའི་ཚོགས་ཀྱིས་ཡོངས་སུ་བསྐོར་ཏེ། དེའི་ཚེ་བཅོམ་ལྡན་འདས་གཉིས་སུ་མེད་པར་སྣང་བ་ཞེས་བྱ་བའི་ཏིང་ངེ་འཛིན་ལས་ནག་པོ་ཆེན་པོར་སྤྲུལ་ཏེ། བཅོམ་ལྡན་འདས་ཀྱི་ཐུགས་ཀའི་འོད་ཟེར
256a6 གྱི་ཕྱོགས་དང་མཚམས་ཐམས་ཅད་དུ་ཁྱབ་ནས།། གནོད་སྦྱིན་གྱི་གདུག་པ་བསལ་ནས། འོངས་ཀྱི་རབ་དང་གུར་དང་དྲ་བར་གྱུར་ཏེ་གནས་པའི་ཚེ།། མཁའ་འགྲོ་མ་དང་། ནག་པོ་ཆེན་པོའི་ཚོགས་ཀྱིས་ཕྱག་འཚལ་ཏེ། བཅོམ་ལྡན་འདས
256a7 ལ་གསོལ་པ།། བཅོམ་ལྡན་འདས་ནག་པོ་དྲག་པོར་ཅི་ཞིག་བའང་། བཅོམ་ལྡན་འདས་ཀྱིས་བཀའ་སྩལ་པ།། འདི་ནི་ནག་པོ་དྲག་པོའི་རྒྱུད།། དུར་ཁྲོད་ཆེན་པོ་ཞེས་བྱ་བའི།། གནས་ན་རྣལ་འབྱོར་རང་བྱ་གནས།། རི་རབ་གྲོང་ཁྱེར་སུམ་བརྩེགས
iiif viewer powered by OpenSeadragon
